Үүнэр сылга Рак бэлиэлээхтэргэ тус олохторун уонна доҕотторун икки ардыларыгар биир сыһыаны булбат кутталлаахтар.

Араас кыһалҕалар үөскээннэр бу кэмҥэ дылы оҥоһуллубут үлэ түмүгэр саарбахтааһыны үөскэтиэхтэрин сөп. Хайдах баарынан ылыныы бу тахсыбыт өйдөммөт быһыыны туоратар кыахтаах. Онтон дьиэ кэргэннээх рактар олохторо өссө тупсуо. Дьиэ иһэ оҕо саҥатынан чугдаарыа, саҥа киһи саҥа дьолу түстүө. 2012 сыл саамай кэрэ түгэнин, кыаҕын толору туһаныаххыт. Олоххутугар дабайаргытыгар бары планеталар көмөлөһүөхтэрэ. Чөл олоҕу тутуһун, бириэмэҕитин, күүскүтүн сөпкө туһанын. Санаа түһүүтүн (депрессия) кыайыаххыт, эрэннэрбиккитин толорорго кыһаллын. Ис эйгэҕит сынньанарыгар спорт көмөлөһүө.

2012 сыл саҥатыгар кыһалҕалар баар буоллахтарына, ону тута быһаарар ордук. Оҥорон испит дьыалаҕын тиһэҕэр тиэрдибэтин сыыһа. Көрсүбүт ыарахаттарын биричиинэлэрин быһаара сатаан, түмүгүн сыаналаан. Үүнэр сылга рактар дневник оҥосторгут туһалаах буолуо диэн сулустар кэпсииллэр. Дневникка бэйэҕит көрүүгүтүн, араас ситуацияларүчүгэй, куһаҕан өрүттэрин, уонна быһаарар суолу сурунуоххутун сөп. Ханнык эмит быһаарыныыны ылынаргытыгар ыарырҕаттаххытына, дневниккытыгар үчүгэй уонна куһаҕан өрүттэрин суруйун. Оччоҕо эппиэт бэйэтэ кэлиэ. Онон рактар кэлэр сылга хорсуннук, кимиилээхтик кимэн киирэн иһэргит наадалаах. Олоҕу судургутук көрө үөрэнин. Тоҕо диэтэххэ, кэлэр сыл эһигини атын оруолга көрөр. Талааҥҥын арый, кыаххын толору туһан.

"Орто дойду" хаһыат. 22.12.2011