2012 сылга ситиһиилэниэххитин, барыта этэҥҥэ буолуон баҕарар буоллаххытына, тулалыыр эйгэни кытта дьүөрэлэһин, көхтөөхтүк, уонна сыаллаах-соруктаах үлэҕитигэр сыһыаннаһын. Бириэмэҕитин харыстаан. Улахан быһаарыныыны ылыах иннинэ, кырдьаҕас. муударай дьонтон сүбэтэ көрдөө.

Ол олус көмөлөһүө. Кэлэр сылга игирэлэр улахан болҕомтолорун дьону кытта сыһыаннаһыыга ууруохтара. Тоҕо диэтэххэ, эрэллээх доҕортон ордук ким да ыарахан түгэҥҥэ көмө-тирэх буолуо суоҕа. 2012 сыл айардьоҕуру сайыннарарга, доҕордоһууга, атын интириэһинэй дьону кытта билсэргэ табыгастаах. Үлэҕитигэр улахан бырайыагы саҕалыаххыт. Ол үлэҕит түмүгэ ситиһиилээх, элбэх үбү киллэриэн сөп. Игирэлэр олоххо көхтөөхтүк сыһыаннаһаргыт, куруук күлэ-үөрэ сылдьаргыт тоҕоостоох буолуо. Эрэллээхтик инникигитин былааннаан, таптыыр доҕоргутугар. табаарыстаргытыгар элбэх бириэмэни анаан. Тулалыыр эйгэҕэ аһаҕас буоллаххытына, олоххут суолугар көрсөр кыһалҕалары эрэллээхтик туоруоххут.

Бэйэҕит олоххутун бэйэҕит илиигитигэр ылын. Дьылҕаҕытын хонтуроуоллаан, эмискэ табыллыыга, сатаныыга эрэнимэн. 2012 сылга мээнэ этиһимэн. Үчүгэйдик толкуйдаабакка оҥорбут дьыалаҕыт үлэҕитигэр мэһэйдиэн сөп. Үүнэр сылга игирэлэргэ күүһү-уоҕу, муударай өйү-санааны бэлэхтиэҕэ. Ситиһиилээх буоларга энергичнэй уонна быһаарыныылаах буолун, инникигэ эрэллээх айаҥҥытын тохтотуман. өһүргэнэргитин тохтотун, онтон сылтаан араас инникилээх былааннаргыт кэхтиэхтэрин сөп. Өһүргэниини хорсун быһыыны кытта булкуйуман. Бэйэҕитигэр эрэллээх буолуу эһиги үлэҕитигэр көмөлөһүө. Саарбахтааһыҥҥа уонна аймалҕаҥҥа күүскүтүн, бириэмэҕитин барааман. 2012 сыл Хара Лракон сыла - игирэлэргэ уустук эрээри, интириэһинэй, иитэр-үөрэтэр кэм буолуоҕа.

"Орто дойду" хаһыат. 22.12.2011