Оҕустар 2012 сыл "тулуур буолуу" диэн тылы кытта тэҥниэххэ сөп.

Туох эрэ улахан быһаарыныыны ылыныах иннинэ, сүүстэ ырытан, ыраҥалаан көр, ыксаама. Бэйэҕэ эрэллээх буолуу, бэйэни убаастааһын, сыалы-соругу ситиһии, туруоруммут дьыалаҕа эрэйбит түмүгү ситиһэргитигэр сүрүн күүс буолуо. Онтон тулуура суох буоллаххытына, толкуйдаабакка эрэ ылыммыт быһаарыныыгыт бэйэҕит утары буолуон сөп. Юпитер, Плутон, Уран уонна Нептун планеталар уустук, өйдөммөт сыһыаннаһыылара эһигини ситиһиигэ эбэтэр сиҥниигэ тиэрдиэ. Үлэ күөстүү оргуйуо, тэтимнээх сыл күүтэр. Сэрэхтээх буолуу былааннаабыккыт таһынан өссө улахан ситиһиини аҕалыане сөп. Өһүргэс буолумаҥ, кыраҕа даҕаны болҕомтоҕутун уура сылдьыҥ. Оччоҕо бэйэтин суолунанэтэҥҥэ барыта ааһан иһиэ.

Сыал-сорук туруорунар үчүгэй хаачыстыбалаах эбиккит. Туруоруммут сыалгытын сииһэргэ дьулуһун. Туох барыта кыраттан саҕаланарын өйдөөн, Москва куорат биирдэ тутуллубатаҕа. Онон хас үүнэр күнү мүччү туппакка айыҥ-тутун, үлэлээн-хамсаан, биир да "шансы" куоттарыман. Үлэҕит түмүгэ улахан наҕараада күүтэр. Саамай кутталлаах саарбахтааһын. Элбэҕи эрэннэрэр үлэни, бырайыагы самнарыан сөп. 2012 сылга санаарҕыыргыт наадата суох. Өрө көтөҕүүлээх буоларгыт булгуччу ирдэнэр. Бэрдимсийии, киэбирии чугас доҕоргутун кытта сыһыаҥҥытын уустугурдуо. Бэйэҕин илиигэр тут, оччоҕо араас иирсээннэргэ киириэн суоҕа. Хомойуох иһин, суут дьыалата, баай былдьаһыыта эһиги тускутугар. Онон кыһалҕаны суукка тиэрдибэккэ эйэнэн түмүктээн. Кэлэр сылга айан эһиэхэ ситиһиини аҕалбат, уоруу эҥин тахсар кутталлаах. Онон сынньалаҥҥытын ыраах айаннаабакка дьиэҕитигэр атаарар ордук.

"Орто дойду" хаһыат. 22.12.2011