2012 сыл балыктарга олус ситиһиилээх буолуо. Сыл саҕатыгар элбэх кыһалҕаны көрсүөххүт, санааҕыт түһүө. Ол эрэн, сыл ортотугар үлэҕитигэр ситиһиилэниэххит. салгыы бэйэҕит хайдах үлэлииргититтэн тутулуктаах.

Үүнэр сыл балыктарга улахан хорумньуну, хомойууну аҕалыа суоҕа. Ханнык баҕарар дьарыктаммыт дьыалаҕыт үчүгэй түмүкээх, ситиһии төрдө буолар кыахтаах. Өһөс, үлэһит, сыаллаах-соруктаах балыктар, кыра моһоллору аахсыбакка, 2012 сылга ситиһиилээх буолуохтара. Туттубут харчылара хас да төгүл эбиллэн, бэйэлэригэр төннүө. Барыта бу курдук табылыннаҕына, кэлэр сылга элбэх харчылаах, ситиһиилээх буолуоххут. Балыктар саҥа сылга үөрэххитин үрдэтиэххитин эбэтэр үөрэххэ киирэн саҥа билии-көрүү ыларгыт наада. Ону таһынан, араас куурустарга үөрэниҥ.

2012 сылга балыктарга күүлэйдиир-айанныыр кыах бэриллиэ. Бу саамайтуһалаах айаннар буолуохтара. Дьыалаҕыт хаҥыа, элбэх доҕордонуоххут, тус олоххут тупсуо. Балыктар кэлэр сылга элбэҕи толкуйдуургут, ыраҥалыыргыт туһата суох. Ыллыгыт да оҥорон иһэргит туһалаах. Оччоҕо эрэ сыалгытын ситиһиэххит. Улахан болҕомтону доҕотторгутун, бииргэ үлэлиир дьоҥҥутун кытта сыһыаҥҥытыгар уурун. Төһө кыалларынан кинилэргэ көмөлөһө сатаан. Бэйэҕит көмө көрдүүргүтүттэн кыбыстыман, бириэмэтигэр оҥоһуллубут көмө улахан күүс буолуо. Дьону кытта кэпсэтэргэ үөрэниҥ, кыһалҕаттан куотумаҥ, мунньубакка эрэ тута быһаарарга күһэллиҥ. Ис эйгэҕитин эмиэ уларыта сатааҥ. Санаа түһүүтэ, хом санаалар иннигит диэки айанныыргытыгар мэһэй буолуохтара.

"Орто дойду" хаһыат. 22.12.2011