2012 сылга былаастаах, сатабыллаах уонна булугас-талыгас күрүлгэннэри күүстээх үлэ күүтэр.
Сыыйа-баайа саҥа кыах үөскүө. Урукку үлэҕиттэн олох атын дьыаланан сөбүлээн дьарыктаныан. Кэлэр сылга күрүлгэннэр тугу да гыммакка таах сытаргыт, сүрэҕэлдьииргит сатаммат. Ол иһин,кэлэр сылга көхтөөх буоларгыт ирдэнэр, оччоҕо ситиһиилэниэххит. Бу сылга оҥорбут алҕастаргытын, мэһэйдиир кыһалҕалары суох оҥорун. Күрүлгэннэр үлэҕитигэр болҕомтолоох буоллаххытына, сыыһа-халиы иахсыа суоҕа.
Онтон чугас дьоҥҥутун, тапталлааххытын кытта сыһыаҥҥыт уустугуруон сөп. Улахан кыһалҕалар үөскүөхтэрэ суоҕа. Куруук үлэ үөһүгэр сырыттаххытына, атын өссө интириэһинэй дьарыкка көһүөхүт. Күрүлгэннэр олус кэпсэтиннэҥ дьон. Элбэх киһилээх сиргэ сылдьалларын,бэйэлэригэр болҕомтону тардалларын олус сөбүлүүллэр. Онтон дьиэтигэр холку майгылаах, сэмэй, бар дьонугар олус кыһаллар. Сүрэҕэлдьээтэххитинэ, дьыалаҕыт табыллыбатаҕына. биллэн турар, тугу да ситиспэккит. Эһиги үлэҕитигэр ситиһиини саамай үрдүккэ тутаҕыт. Үүнэр сылга күүскэ үлэлээн хаалын, оччоҕо улахан ситиһии күүтэр. Харчыгытын мээнэ онно-манна бараама, туһата суох малы-салы ыла сатаама, инникигин санаа. Бэйэн ураты бырайыагы олоххо киллэриэххин сөп. Онно элбэх харчы наада буолуо. 2012 сылга кыра кыһалҕалар баар буолуохтара, онтон куттаныма. Олоххор, үлэҕэр улахане охсууну оҥоруо суохтара. Бу аата олох эйиигин, хорсун быһаарыны ылыннараары, улахан ситиһиигэ бэлэмнээри тургутан көрөр.
"Орто дойду" хаһыаттан. 22.12.2011