Кэлэр сылга Чубуку бэлиэлээхтэри дьикти түгэннэр күүтэллэр.

Ол, үчүгэй карьера оҥосторго, үп киирэригэр көмөлөһүө. Олоххутугар улахан ситиһиилэниэххит. Үлэҕитигэр көхтөөх буоллаххытына, интириэһинэй этии киириэ. Үлэҕитигэр дьонутүмэр, тэрийэр дьоҕургут сыаналаныа. Ол иһин, карьера оҥосторгутугар улахан мэһэйи көрсүөххүт суоҕа. 2012 сыл ортотуттан улахан дьыалабыай айан күүтэр. Тас дойдуларга тахсыаххытын сөп. Бу айан эһиги олоххутугар, карьераҕытыгар элбэх интириэһинэйи бэлэхтиэ. Кыра эчэйиини ылыаххытын эбэтэр ыарытыйыаххытын сөп. Онтон олох санааҕытын түһэримэн, атын дьону кытта билсиэххит, интириэһинэй дьыаланан дьарыктаныаххыт. Көрсөр моһоллорго болҕомтоҕутун ууруоххут суоҕа. Чубукулар олус энергичнэй дьон. Онон куруук сэрэхтээх сылдьаргыт наадалаах.

Онтон тус олоххутугар өйдөммөт түгэннэр үөскүөхтэрин сөп. Өһүргэс, имэҥнээх дьон аҥаргытын улаханнык хомотуоххут. Кэлэр сылга күүстээх санааҕытын ыһыктыбаккыт ирдэнэр. Тапталлааххытын кытта сыһыаҥҥытын быһаарса, үлэҕитигэр үөскээбитөйдөммөт быһыыны-майгыны туората сатаан. Ол иһин, сүрүн болҕомтону үлэҕитигэр уурун. Бииргэ үлэлиир дьоҥутун кытта өйдөспөт буолууну, иирсээни улахаҥҥа ууруман. Бэйэҕит эрэ иннигитин көрүнүмэн, чугас дьоҥҥутун өйдүү сатаан, таптыыр киһигитин, араас кыра да буоллар бэлэхтэринэн үөрдэ турун. Оччоҕо иккиэн дьоллоох буолуоххут. Иирсээннэргэ болҕомтоҕутун ууруман, атааннаһыыны үөскэтимэн. Бииргэ үлэлиир дьон биир санааны ылынан үлэлииргит тоҕоостоох.

Үлэтэ суох Чубукуларга саҥа сыл саҥата үчүгэй үлэ көстүө. Бэйэҕит дьыала арыйыаххыт, аҕыйах кэм иһигэр конкуреннаргытын ситиэххитин сөп. Уопсайынан үүнэр 2012 сыл Чубукуларга киэҥ ис хоһоонноох, олус интириэһинэй сыл буолуо.

"Орто дойду" хаһыат. 22.12.2011