Биһиги ааммытын харса суох майгылаах, утары этэри сөбүлээбэт. Дракон тоҥсуйар. Кинини хайдах көрсүөххэ сөбүй?

Халлаан күөх бары өҥнөрүн кэтиэххэ сөп. Остуоруйаҕа кэпсэнэрбары үөннэр ойууларынан киэргэтиллибит былааччыйаны эбэтэр былааты туһанар табыгастаах. Кыһыл уонна үрүҥ көмүһү сөбүлүүр - итилэри таҥаска да, киэргэлгэ туттуохха сөп. Ол гынан баран, ол барыта дьиҥнээх буолуохтаах.

Бу сыл символа Уу - онон уу курдук дьүһүннээх күндү таастар - аквамарин, опал, күөх топаз уо.д.а. күндү тимиринэн эргитиллибит буолуохтаахтар. 

Дракон көмүскэлэ - уот, онон кыһыл, уоттуҥу өҥнөр биһирэнэллэр.

Бырааһынньыктааҕы сандалыга хайа кыалларынан кэрэ көстүүлээх, минньигэс астар баар буолуохтаахтар. Сыанатын кэрэйэр сыыһа. Итиннэ Дракон кэнники махталын биллэрэн, эйиигин элбэх харчынанкүндүлүө. Кини тугу баҕар сиирэ көҥүл. Онон сандалыга фрукта, эт, балык, күөх оҕуруот аһа, араас утах баар буолара биһирэнэр. Халлан күөҕэ өҥнөөх ликердар, тониктар, утахтар ууруллаллара сөптөөх. Эбэтэр халлаан күөх иһиттэргэ кутуллубут буолуохтаахтар. Итини сэргэ Дракон араҥас өҥү сөбүлүүр - онон сыыр, лимон уонна саһарчы буспут астар биһирэнэллэр.

Дракон көрү-күлүүнү сөбүлүүр, онон хлопушкалары. фейерверктары хаһаанар, араас оонньуулары, маскарааттары тэрийэр сөптөөх.

Дракоҥҥа көмүс дьүһүннээх манньыаттары бэлэх уунар табыгастаах, көмүстэн оҥоһуллубут киэргэли бэлэхтиир олус бэрт. Итини таһынан күндү кристалтан бэлэҕи олус сөбүлүүр.

Дьиэ соҕуруу өттүгэр уулаах фонтанчик уурар табыгастаах. Ол сүүрүгүрэ турар буоллаҕына өссөүчүгэй. Ол кыаллыбат түгэнигэр, кэрэ көстүүлээх вазаҕа (бирюза эбэтэр күөх дьүһүннээх) ыраас уу кутуҥ уонна онно таастары уонна ракушкалары түгэҕэр уган баран. сабан кэбиһиҥ. Итинтэн эн дьиэҕэр ситиһии уонна табыллыы кэлиэҕэ.

"Орто дойду" хаһыат. 22.12.2011