Мас күлүгүнэн билгэ.

Мас күнтэн түһэр күлүгүн ыйтан күлүгүн кытта тэҥнээн көрөллөр. онуоха күн күлүгэ уһун буоллаҕына, кураан, ый күлүгэ уһун буоллаҕына, өксүөннээх буолар.
Ол иһин сахаҕа: "Күн кыайда - кураан сайын буолсу", эбэтэр "Ый кыайда - угут сайын, үчүгэй үүнүү буолсу" дииллэрэ. 

"Дьыл маһа".

Бу саха халандаара. Дьыл маһын 1 м уһуннаах 4 эбэтэр 8 кырыылаах синньигэс маһынан, эбэтэр төгүрүк маһынан оҥороллор. Билгэһит сыл ахсын биирдии итинник маһы оҥостор. Онно быһаҕынан кэрдиис эбэтэр араас бэлиэ быһар. Сорох мас кэрдииһэ 80 - 100 ахсааҥҥа тиийэрэ.

Хамсыыр харамай, көтөр-сүүрэр

Хамсыыр харамай, көтөр-сүүрэр бары айылҕа оҕолоро. Ол иһин күн-дьыл уларыйыытыгар быһыылара - майгылара эмиэ уларыйар. Ити дьиэ кыылыгар эмиэ сыһыаннаах: ыт, куоска, куурусса, ынах,сүөһү, сылгы. Холобур, сылгы тыал, хаар кэлэригэр элбэхтик тыбыырар, ардах түһэригэр бүгүйэхтиир, үөнүргээн тоҥхолдьуйар, буорга күөлэһийэр. Онтон күн-дьыл көнөрүгэр үөр сылгы кырдал сиргэ тоҕуоруйар.

Саха ыалын халандаара - 2011