|
.
|
|
Билигин
сайтка 5 киһи
баар
|
Сотору:
2 күнүнэн: 10.06.2025 Дьахтар күүлэйдиир күнэ. Сайылыкка көһүү сүпсүлгэнэ бүтэн, нус - хас үүт тураан күннэр үүнэллэр. Уоскуйбучча дьахталлар оҕолорун батыһыннара сылдьан, кырдьаҕас хатыҥ маска салама ыйыыллар, алаадьы буһаран сыт таһаараллар. Өгүрүө кэлэр. Дөлүһүөн сибэккилэнэр, сардаана тыллар. Бу күн чуумпу - үчүгэй үүнүүлээх дьыл.
4 күнүнэн: 12.06.2025 Российскай федерация суверенитетын кунэ. Ыраас, куйаас, чэмэлкэй күннэр.
6 күнүнэн: 14.06.2025 Самаан сайын са5аланар кэмэ. Ыhыахтар са5аланаллар. Ардаатаҕына - үчүгэй үүнүү.
8 күнүнэн: 16.06.2025 Бугун хотуттан, ар5ааттан тыалырда5ына - сайына ардахтаах.
13 күнүнэн: 21.06.2025 ЫhЫАХ КYНЭ. Этиҥ этэрэ элбиир. Сыыс оту, кучуну үргүүллэр, бүгүйэх тиллэр, ынах үүтэ тардар. Көтөр сымыыт баттыыр үгэнэ. Эһэ, саарба иссэр, тайах төрүүр, андаатар ууһуур, ороһу биэ төрүүр. Туос хам сыста илигинэ хастанар. Ыһыах буолар. Этиҥнээх ардах түстэҕинэ - от хомуура мөлтөх.
|
|
Билгэ
Күн Куйаарыма кинигэтинэн билгэ.
Билгэлэнэргэ биир киhи күҥҥэ биирдэ эрэ баттыахтаах, ол кэннэ утуу субуу хаста да баттаабытын аахсыллыбат, маҥнайгы эрэ сырыын дьиҥнээх буолар.
БИЛГЭЛЭН <--баттаа
|
|
Ытынан, куосканан билгэ
- Ыт түүн буолла эрэ уһуннук эҥээритэн улуйар буоллаҕына, куһаҕаны биттэнэр, улуйан абааһыны сирдээн ыҥыран аҕалан ыарыыны-сүтүүнү оҥорор.
- Уохтаах ыт түүн дьиэни эргийэ сылдьан ырдьыгыныы-ырдьыгыныы үрдэҕинэ, үчүгэй ымыылаах ытынан ааҕыллар.
- Ыт кыбыылаах окко сытан, ииктиир-саахтыыр буоллаҕына, сүөһү-ас үчүгэйдик туран сыл тахсарга.
- Ыт таҥаска ииктиирэ - байарга.
- Ыт эмэһэтинэн олорон сыылаҥхайдаан хаамтаҕына - дьиэлээхтэр сүгүн олорботторугар, өлөөрү-сүтээри, ыалдьаары гыналларыгар.
- Ыт киһи иннигэр тахсан киирэрэ - ночоот тахсарыгар.
- Куоска мааны ыалдьыт сылдьыа буоллаҕына - сирэйин суунар, куһаҕан ыалдьыкка эбэтэр дьахтар ыалдьыкка ахтатын саланар.
- Куоска мээнэ ытыһын салана салана суунара - ыраахтан мааны ыалдьыт кэлэригэр.
Р.И.Бравина "Киһи уонна дьылҕа". Бичик - 2002
Суруйда Baaska. 2011-12-09 20:57:16 +10.
|
|
^ Үөһээ
|
|
|