• Ынах сүөһү мунна тыаһыыр,-сыҥыргыыр буоллаҕына уонна хараҕын уута чаккыраан таммалыыр буоллаҕына, ынах ытаата - иччитэ ыалдьаары дуу, өлөөрү дуу гыннаҕа диэн тойоннууллар.
• Ынах сүөһү да, сылгы да сайын эрдэттэн туох түбэһиэх титириги эҥин сиир буоллаҕына, от үүммэт, куһаҕан сут дьыл кэлэригэр.

• Куһаҕаннык олоруох буоллахха, сылгы, ынах сүөһүлэр торбостууллар, кулуннууллар, ынахтан куһаҕан ньиирэй, биэттэн ат кулун төрүүр. Оччоҕо ойуун аҕалан үтэттэрэллэр.
• Ынах сүөһү түүн түһээн ыҥыранар буоллаҕына, ити сүөһү ымыылаах, үөр сүүрүк тардыһар, ону ыҥыранан ыҥырар, онон төрүөхтээх үөскүүр сүөһү диэн ааттыыллар.
• Миинэн иһэр сылгын тыбыырара - куһаҕаҥҥа, куһаҕаны көрүөн-истиэн буоллаҕына.

Р.И.Бравина "Киһи уонна дьылҕа". Бичик - 2002