Тоһуттар томороон тымныылаах тохсунньу ый сахаларга урут уруккаттан туох эрэ дьикти, ураты, таайтарыылаах кэм. Саха киһитэ бу ыйы "таҥха ыйа, дьыл оройо" диирэ, оттон тохсунньу 7 күнүттэн 19-гар диэри таҥха кэмэ диэн буолара.

Ол курдук чуолаан ити уэм иһигэр киһи дьылҕатын таба таайынарыгар , санаатын түмэригэр, сааһылыырыгар, уйулҕатын бөҕөргөтөрүгэр суол арыллар, түөрэх түһэр. Дьэ ол иһин былыр сахалар бу күннэргэ кэлэр кэскиллэрин түстүүллэрэ, хайдах дьаһанан олоруохтаахтарын саас сааһынан былаанныыллара.

Тохсунньу ый 7 күнэ үүнэр түүнүгэр, сатарыыр дьыбарга аан бастакынан оҕо сүлүкүүттэр тахсаллар эбит. ый 10-н кэнниттэн орто саастаахтара, онтон 15-с диэки - кырдьаҕас сүлүкүүттэр. Дьэ ити кырдьаҕас сүлүкүүттэр тахсыбыт кэмнэригэр таҥхалыыр ордук табыгастаах дииллэр эбит. Ол эбэтэр ити бириэмэҕэ билгэлэннэххинэ ордук сөптөөх көрүүлэнии буолар.

Чөл буолуу кистэлэҥнэрэ. Халандаар - 2010