|
.
|
|
Билигин
сайтка 7 киһи
баар
|
Сотору:
2 күнүнэн: 10.06.2025 Дьахтар күүлэйдиир күнэ. Сайылыкка көһүү сүпсүлгэнэ бүтэн, нус - хас үүт тураан күннэр үүнэллэр. Уоскуйбучча дьахталлар оҕолорун батыһыннара сылдьан, кырдьаҕас хатыҥ маска салама ыйыыллар, алаадьы буһаран сыт таһаараллар. Өгүрүө кэлэр. Дөлүһүөн сибэккилэнэр, сардаана тыллар. Бу күн чуумпу - үчүгэй үүнүүлээх дьыл.
4 күнүнэн: 12.06.2025 Российскай федерация суверенитетын кунэ. Ыраас, куйаас, чэмэлкэй күннэр.
6 күнүнэн: 14.06.2025 Самаан сайын са5аланар кэмэ. Ыhыахтар са5аланаллар. Ардаатаҕына - үчүгэй үүнүү.
8 күнүнэн: 16.06.2025 Бугун хотуттан, ар5ааттан тыалырда5ына - сайына ардахтаах.
13 күнүнэн: 21.06.2025 ЫhЫАХ КYНЭ. Этиҥ этэрэ элбиир. Сыыс оту, кучуну үргүүллэр, бүгүйэх тиллэр, ынах үүтэ тардар. Көтөр сымыыт баттыыр үгэнэ. Эһэ, саарба иссэр, тайах төрүүр, андаатар ууһуур, ороһу биэ төрүүр. Туос хам сыста илигинэ хастанар. Ыһыах буолар. Этиҥнээх ардах түстэҕинэ - от хомуура мөлтөх.
|
|
Билгэ
Күн Куйаарыма кинигэтинэн билгэ.
Билгэлэнэргэ биир киhи күҥҥэ биирдэ эрэ баттыахтаах, ол кэннэ утуу субуу хаста да баттаабытын аахсыллыбат, маҥнайгы эрэ сырыын дьиҥнээх буолар.
БИЛГЭЛЭН <--баттаа
|
|
Тыал арааһа
- Олунньу саҕаланыытыгар - көмнөх түһэрэр тыал.
- Кулун тутар бастакытыгар - холлоҕос көтүтэр тыал
- Кулун тутар ортотугар - сыыс хастыыр.
- Кулун тутар бүтэһигэр - суол томтойуута тыал.
- Муус устар саҕаланыыта - күн көтөҕөр тыал.
- Муус устар ортото - хаар сахсатар тыал.
- Муус устар бүтэһигэ - хаар хараардар тыал.
- Ыам ыйын саҕаланыыта - муус сахсатар.
- Ыам ыйын ортото - сир куурдар
- Бэс ыйын ортото - мас кэхтэр тыала.
- От ыйын ортото - оту кэҕиннэрэр тыал.
- Атырдьах ыйын бүтэһигэ - оту-маһы орохсутар тыал.
- Балаҕан ыйыгар - былыты үүрэр тыал
- Алтынньы ыйга - кыһыны аҕалар тыал.
- Сэтинньи ыйга - хаар түһэрэр тыал.
- Ахсынньы, тохсунньу ыйдарга - тымныы тыал, чысхаан.
Арҕааттан, биитэр хотугулуу арҕааттан биир икки күн устата тыал үрдэҕинэ, утары тыал кэлэр, ону "сата тыал охсуһуута" дэнэр.
Луҥку - тыала суох уу чуумпу.
Балаһа тыал - эмискэ түһэр тыал.
Холорук - итии уонна тымныы салгын тардыһыытыттан үөскээбит күүстээх, оту - маһы булгу охсор тыал. (Эбии: абааһылаах холорук ортотугар харалаах буолар, көннөрү холорук - ыраас.)
Саха ыалын халандаара - 2008
Суруйда Baaska. 2011-12-06 20:56:42 +10.
|
|
^ Үөһээ
|
|
|