Сайыҥҥы кэмҥэ саҥа хаптарыллыбыт балыгы өр тыыннаах тутар туһугар содуоктан (куйуурдуҥу быһыылаах, тутаахтаах сиэккэ) ордук суох. Уууга содуокка  угуллубут балыктар бэйэ бэйэлэрин кытта  аалсыбакка холкутук сылдьыахтаахтар.

Үөрүйэх балыксыт сиртэн саҥа хостоммут чиэрбэни мэҥиэ быһыытынан хаһан да туттубат. Чиэрбэни хостоон баран биир-икки күн сытыаран "сынньаталлар". ити кэм устата чиэрбэ буордара-сыыстара ыраастанар, өҥнөрө кытарар, аччыктаан хамсыыр-имсиир буолаллар, сибиэһэй дьүһүннэнэллэр.

• Саҥа тоҥмут мууска сылдьартан сэрэн. Хойуу оттоох, силис, мас баар сиринэн мууһа мэлдьи чараас буоларын умнума.
• Тымныы күҥҥэ килэҥ мууска быраҕыллыбыт балык олус түргэнник  тоҥон амтана дьүдьэйэр. Үөрүйэх балыксыттар хаптарбыт балыктарынэмискэ тоҥмотун курдук дьааһыкка, холуста суумкаҕа угаллар.

• Күөгүлүү олорон тыаһаама, хамсаама.
• Күрүчүөккэ балык хаптарбыт сибикитэ билиннэҕинэ күөгүгүн салгыҥҥа эмискэ эһэн таһаарыма. Балыгы уу иһинэн бэйэҕэр чугаһата тардан  ылан баран биирдэ хостуугун.

Булт - сыралаах үлэ түмүгэ. Туруоруммут сыалы-соругу ситии. Ону тиһэҕэр тиэрдии. Дьэ ити иһин сонордоммут булду мүччүрэппэт буола сатыыллар. Онуоха бааһырбыт, хойму буолбуту чордуур, тобоҕолуур иччи баар. Ол иччи аата Бараахы Сүүрүк.