Ааспыт нэдиэлэҕэ, Бүлүү эҥээриттэн Дьокуускайга кэлэн иһэр куоратчыттар, олус сэдэх түбэлтэ туоһуларынан буоллулар. Кинилэр сөҕүөхтэрин-махтайыахтарын быатыгар, харахтарын ортотугар аарыма тойон көтөрдөр уонна хара тыабыт биир маанылаах кыыла кыһыл саһыл икки ардыгар дуолан хапсыһыыларын түгэнэ көстөн ааспыт.

Баартаах булчуттар иччилээх түүллээхтэрин туһунан истибит эрэ барыта билэр. Дьахтары көрөр, ону ааһан эйэргэһэр, таптаһар улахан бултуйууну тосхойор диэн. Уопсайынан, булка-алка эрэ буолбакка, сүрдээх түүллээх дьон баар буолаллар.

Соҕотоҕун куобахтыыр буоллаххына, ыт мунна баппат ычыгын кэтимэ, бултуурга сэндэл ойуура ордук. Куобах ыкса күһүн көмнөх түһүүтэ, ыраас, күн көрөр сирин сөбүлүүр, ону таһынан сыырсирэйин, тыа быарын, оттонор ходуһалар кытыыларын.

Сааны ыйга саатар биирдэ көрүү-истии уонна ыраастааһын булгуччулаах. ыппыт кэннэ уос эркинигэр олорон хаалар буораах, сибиньиэс кэһиэҕэ уонна саа атын чаастарыгар киирбит - сыстыбыт кир төрүт суох буолуоҕар дылы сууйуллар-сотуллар. Кэмигэр ыраастааһын хайаан да наадалаах.

Күһүҥҥү тыаҕа хаама сылдьар булчут тоҥмот, онон тас таҥаһын чэпчэки буолуохтаах. Ол эрэн күһүҥҥү халлаан уларыйара түргэн, хаар да, ардах да түһүөн сөп, онон ардахха кэтэр соҥҥун рюкзакка уктаргын умнума.