Муус анныгар - кус. Арааһынай уу көтөрдөрө, ол иһигэр кубалар даҕаны, холобур Камчаткаҕа кыстыы хаалаллар. Ону ким да дьиибэргээбэт. Онно итии дьүүктэлэр, томмот уу түөлбэлэрэ, соҕуруу өттүгэр мууһа суох Берингов муора баар.
Оттон кыһын Верхоянскайга уу көтөрдөрө кыстыы хаалаллара, кырдьык да, дьикти. Олохтоохтор Тумара, Дулҕалаах, Дянышка үрэхтэргэ үөр уонна биирдии кустар кыстыы хаалалларын көрөллөр. Аһара тымныыга уонна кыһын даҕаны маннааҕы үрэхтэринэн ирбэт тоҥу дьөлө үүттээн итии дьүүктэлэр сүүрүгүрдэллэр. Кыра үрэхтэр 50-60 кыраадыс тымныыга тоҥнохторуна, итии уу муус үрдүнэн сүүрэн тарыҥнар үөскүүллэр, олор тоҥмоттор.
Сэбээн Күөл олохтооҕо Е. Степанов биирдэ кулун тутар ыйга Дулҕалаах үрэххэ күөгүлүү барбыт уонна ойбонуттан улуҥу хостоон таһааран соһуйуу бөҕөнү соһуйбут. Ол үрэх уута түһэн, муус анныгар хаалбыт көҥдөйгө кыстыы сытар улун кини күөгүтүн мэҥиэтин хабан хостоммут эбит.
Саха ыалын халандаара - 2012