Сааскы ситэ ирэ илик сиргэ олоруман. Хаппыт хомуһу, сэбирдэхтэри, о.д.а. тэлгээн ол үрдүгэр олорун. Кыра да сыыстарыы улахаҥҥа тиэрдэр кутталлааҕын умнуман.

Туруору эмпэрэ сиргэ туран балыктыыртан сэрэнин. Уу охсон илиппит сирэ сиҥниэн сөп.

Саас балыктыырга саппыкылаах, курумуулаах да буолларгын, хаһан да ууга киирэн туран күөгүлээмэ. Тымныы ууга атах тымырдара кыарыыллар, хаан эргиирэ бытаарар. Ити кэлин тымырдаргын тымнытан, хаанын эргиирэ кэһиллиитигэр тиэрдиэн сөп.

Тыыга олорон спининниир буоллаххына, хостуургар тыы сидиэнньэтигэр турума. Эмискэ хамсаныыттан түөрэккэй тыы түөрэ баранууга түһүөххэ сөп.
Сорох балыксыт алыктыы барыан эрэ иннинэ чиэрбэлиир.Онтун эрдэ булан хаһааннахха, чиэрбэ буортуйардиэн быһаарар. Ол эрээри субу бараары ыксыы турдахха, чиэрбэ көстөн биэрбэккэ, балыктыыр былааны барытын ыһыан сөп.Онон хайдах гынан чиэрбэни өр кэмҥэ өлбөтүн, буортуйбатын хааччыйыахха сөбүй? Хорйа судургу. Быласымаас солуурга чиэрбэлэрбитин угабыт. Сөбүгэр инчэҕэй буорунан (чиэрбэнибулбут сирбит буорун) көмө кутабыт. Солуурбут айаҕын маарылланан бүөлүү баайабыт. Ол кэннэ хараҥа, салгыннаах сиргэ кистиии уурабыт. Маннык харайыллыбыт чиэрбэ хас да нэдиэлэҕэ барыа.

Саас балыктыы бараргытыгар күөгүнү, блесналары, мэҥиэни, ону таһынан дьуоту, биинтэни, баатаны ыларгытын умнуман. Алҕаска алыһар, хаахынай хайыытыгар илиини тэһэ астахха, күрүчүөккэ "хаптардахха" бааһы тута дезинфекциялыырга наада буолуохтара.