Отууланар сиргин хайаан да кичэйэн талыахтааххын. Үрдүк, кураанах, тыалтан-куустан хаххалаах, ууттан төһө кыалларынан чугас соҕус сир буолуохтаах.
Уоттан олус сэрэхтээх буолуохтааххын. Күһүн уот барбат диэн өйдөбүл төрүкү сыыһа. Отуу уотун оттор сирин сэкитэ, көмнөҕө, кураанах ото-маһа суох сиргэ, кыаллар буоллаҕына уу кытыытыгар буолуохтаах. Бу массыына үйэтигэр киһи барыта күрдьэҕи илдьэ сылдьар. Онон күрдьэх дириҥин устата дириҥнээх буору хаһан балачча кэтит гына уот оттор сиргин бэлэмниирин ордук табыгастаах. Онтукан кутааҕын тыалтан эмиэ хаххалыыр. Төһө да 21-с үйэ киһитэ буолларгын, былыргылыы сиэри-туому хайаан да тутус, Баай Байанайгын, аал уоккун, от-мас иччилэрин аһата-сиэтэ, күндүлүү-маанылыы сырыт. Музыканы холбоон кэбиһимэ. Сир-дойду иччилэрэ ону сөбүлээбэттэр.
Кустуур дугдаҕар киириэн иннинэ, отуу уотун "хаар самыыр уута" дии-дии, умуллуор диэри уунан сабыта ыс. Түүн хараҥаҕа кустаан тахсан баран эрэйдэммэт гына, оттор маскын эрдэттэн бэлэмнэнэн кэбис, күөстэнэр иһиттэргэр, чаанньыккар толору ууну баһаргын умнума.
Саха ыалын халандаара - 2012 сыл.