Алдан өрүстэн тардыылаах сүүрүктээх үоэхтээх Бээрийэ нэһилиэгин тыатыгар булт арааһа кыра да буоллар, атын сирдэргэ курдук, син бултаабыта буолааччыбыт. Булт көҥүлэ саҕаланнар эрэ кырдьаҕастыын - эдэридиин эр дьон үксэ бултуур сиргэ хоно-өрүү барар идэлээхпит.
Булт тардыытыгар сылдьан киһи араас суолга түбэһээччи. Ол туһунан булчуттар-кусчуттар бары кэпсээн бардахтарына бүппэт сэһэн буолуохтаах. Дьэ, бэйэм туспунан кэпсиим.
Биирдэ өрүү бултуур сирбэр, Мөкү Күөл диэн сиргэ, дурдаҕа хоно сыттым. Биир да куһа суох сарсыарда күн тахсыыта уу тыаһын истэн уһукта биэрдим. көрбүтүм, тыатааҕы киирэн мончуукпун ылан ылан тахсан эрэр эбит. Мин тыаһа суох кирийиэхпинэн кирийэн сыттым. Оҕонньор ол-бу диэки олоотоон көрүтэлиир, икки эрэһиинэ мончуугу бэркэ ыга кууспут Мин саам доробуонньук да буоллар, миэхэ тиийэн кэлэр түбэлтэтигэр ытыам диэн бэлэм олордум.
Хата. кэлбэтэ. Хара тыа маанылаах кыыла уонна кырдьаҕаһа ииппит-аһаппыт тыатыгар бардаҕа ити. Бултуу сылдьан киһи айылҕаҕа арааһы көрөр.
Константин Михайлович Васильев. Уус Алдан. Бээрийэ.
"Кыраһа". Муус устар 1994 сыл.