Эһэҕэ ыттартан саамай эрдээхтэрэ, сымсалара киирэллэр. Ыт үксэ эһэттэн саллар, суолугар барбаттар, арҕаҕын да буллахтарына биллэрбэттэр. Тайахсыт уонна киисчит ыт хас булчут аайы үөскээн сылдьыбыт буоллаҕына, улуу эсэһит ыттар Саха сирин үгүс улуустарыгар отойун да суохтара буолуо.

Улахан эсэһит ыттар диэн бэйдиэ сылдьар эһэни суолугар көрдөөн бараннар, ситэн ылан, тула холоруктуу сылдьан, буутун уонна такымын түүтүттэн үргээн, оҕустаҕын аайы аһаран биэрэн, үлтэ кыйахаан, булчут киирэн ытыар диэри ыыппаттар. Эһэни оннук тиистэһэр ыттар олус сэдэхтэр, чахчы эсэһит удьуордаах ыттартан үөскүүллэр. Эһэҕэ утары киирэр эрдээх буолан баран, сатаан аһаран биэрбэт, бэйэтин көмүскэнэр дьоҕура мөлтөх ыт эһэттэн өлөр, кырата - эчэйэр. Тиистэспэккэ эрэ чугастан киирэн үрэр ыттарынан эмиэ бултанар.
арҕахха бултуурга улахан эрдээҕэ быһаарбат, стбтктьтн билэн, көрдөөн, иһигэр киирэ сатаабакка, үрэн, иччитигэр биллэриэхтээх.
Эһэҕэ ыты үөрэтэр уустук. Ис хааныттан дьоҕурдаах ыты үөрүйэх ыты кытта сырытыннаран үөрэтэр ордук. Хайа да улахан булка ыт сиэтэҕинэ - аһаатаҕына бултаһар буолар. Хаһан да эһэ диэки көрбөтөх ыты суолугар киксэрэн ыытар көдьүүһэ суох. Онон ыты булка үөрэтиииччититтэн улахан тутулуктаах. Элбэх тулууру, сыраны эрэйэр. Арыт хомойор, арыт үөрэр түгэннэр баар буолуохтара.

Айаал Данилов, булчут ыты иитэр питомник директора. Ньурба улууһа, Малдьаҕар. "Кыраһа". Сэтинньи-ахсынньы ыйдар. 1994 сыл.