Булчут дьон ыкка ирдэбиллэрэ тус туһунан буолар, хайдах сырыылаах уонна идэлээх ыкка үөрэмиттэринэн. Ыт да булду көрдүүр, үрэр быһыыта араастаах. Онон маннык ыт үчүгэй диэн, биир халыыпка киллэрэн, чопчу этэн кээһэр күчүмэҕэй.

Сорох аһара үчүгэй сырыылаах ыт булка төрүт түбэспэт буолуон сөп. Киһи таһыгар сылдьан, кини наадатыгар эрэ баран булду булан тохтотор ыт эмиэ баар буолар.

Улахан булчут ыт байанайдаах эрэ киһиэхэ үөскүүр. Сорохтор хайа да бэйэлээх ыттан ылан иитэ сатаабыттарын иһин үчүгэй ыты үөскэппэттэр. Ону сахалархолумтаныттан тутулуктаах диэччилэр. Байанайа суох киһи ааттаах булчут ыты уларсан да баран малыйааччы.

Айаал Данилов, булчут ыты иитэр питомник директора. Ньурба улууһа, Малдьаҕар. "Кыраһа". Сэтинньи-ахсынньы ыйдар. 1994 сыл.