Саһыл өлөрөн кэллэххинэ, ааны тоҥсуйаҕын уонна эмээхсиҥҥэр:

– Саһыл өлөрдүм. Уоккар аста кээс, – диигин.

Сүөгэй буоллун, үөдэн буоллун. Баһыгыратар (умайан) буоллаҕа. Дьэ ол Байанайдыыр быһыыҥ. Саһылгын өрө көтөҕөн тураҥҥын, сыт үөһэ тутан тураҥҥын: “Һэккэй! Һэккэй! – дии-дии эккириигин. “Баай барыылаах, аһаа”, – диигин.

 

Саамай муннукка, хараҥа сиргэ, саһылгын суулаан баран ириэр диэри ууран кэбиһэҕин. Үс хонон баран сүлэҕин. Син биир өлбүт киһи курдук. ¥с хоннороҕун. Киэһэ аайы уоккар ас биэрэҕин. Байанай соһуйуо диэн күргүйдэспэккин, ыараханнык тыаһаабаккын, тимири тыаһаппаккын. Ол эбэтэр, саһылыҥ тахсыар диэри эрэйдэнэҕин. Байанай соһуйуо, аны бултуйуом суоҕа диэн.

 

Федор КОНОНОВ, Үөһээ Бүлүү, 3-с Күүлэт, 1970 с.  суруллубут .http://www.kyym.ru - сайттан. "Кыым" №44  2016.11.10