Рейтинг@Mail.ru
Эйгэ

.

Эйгэ


Билигин
сайтка 5 киһи
баар

Биллэриилэр Сонуннар Кэпсэтии

Сотору:
1 күнүнэн: 10.06.2025 Дьахтар күүлэйдиир күнэ. Сайылыкка көһүү сүпсүлгэнэ бүтэн, нус - хас үүт тураан күннэр үүнэллэр. Уоскуйбучча дьахталлар оҕолорун батыһыннара сылдьан, кырдьаҕас хатыҥ маска салама ыйыыллар, алаадьы буһаран сыт таһаараллар. Өгүрүө кэлэр. Дөлүһүөн сибэккилэнэр, сардаана тыллар. Бу күн чуумпу - үчүгэй үүнүүлээх дьыл.
3 күнүнэн: 12.06.2025 Российскай федерация суверенитетын кунэ. Ыраас, куйаас, чэмэлкэй күннэр.
5 күнүнэн: 14.06.2025 Самаан сайын са5аланар кэмэ. Ыhыахтар са5аланаллар. Ардаатаҕына - үчүгэй үүнүү.
7 күнүнэн: 16.06.2025 Бугун хотуттан, ар5ааттан тыалырда5ына - сайына ардахтаах.
12 күнүнэн: 21.06.2025 ЫhЫАХ КYНЭ. Этиҥ этэрэ элбиир. Сыыс оту, кучуну үргүүллэр, бүгүйэх тиллэр, ынах үүтэ тардар. Көтөр сымыыт баттыыр үгэнэ. Эһэ, саарба иссэр, тайах төрүүр, андаатар ууһуур, ороһу биэ төрүүр. Туос хам сыста илигинэ хастанар. Ыһыах буолар. Этиҥнээх ардах түстэҕинэ - от хомуура мөлтөх.
13 күнүнэн: 22.06.2025 Саамай уһун күн.
         
    

Эдэр булчукка. Тэринии.

Күһүҥҥү тыаҕа хаама сылдьар булчут тоҥмот, онон тас таҥаһын чэпчэки буолуохтаах. Ол эрэн күһүҥҥү халлаан уларыйара түргэн, хаар да, ардах да түһүөн сөп, онон ардахха кэтэр соҥҥун рюкзакка уктаргын умнума.

Атаҕын таҥаһа күннүктээн хаамар киһиэхэ сөрү сөп буолуохтаах, атаххын анньыа суохтаах. Кыра остоох саппыкы ордук. Оччоҕуна сотоҕун от мас эмсэҕэлиэ суоҕа. Табахсыта да суох буолларгын, испиискэ ыларгын умнума. Тыа аата тыа, мунар-быстар түгэҥҥэр наада буолуо.
Сарсыарда тахсан баран, киэһэ төннөр буоллаххына, үтэҥ биир күҥҥэ суоттаныллыахтаах. Аһын хайаан да тотоойу буолуохтаах. Күнүс чэй өрүнэн испэт наадатыгар, тиэрмэскэ итии чэйдээҕин ордук.
Бултуур маршруткун дьиэтээҕи дьонун хайаан да чуолкайдык билэр буолуохтаахтар. Наада буоллаҕына, чопчу булалларын курдук.
Тыаҕа соҕотоҕун тахсар буоллаххына, бултуур сиргин-уоккун үчүгэйдик билэр буолуохтааххын, оттон билбэт сиргэр тахсар буоллаххына, олорор бөһүөлэгин хайысхатын хаһан да сүтэриэ суохтааххын. Мунаардын да, үрдүк маска тахсаҥҥын ханна бааргын чуолкайдаа уонна дьиэҕэр төннөрүн ордук.

Саха ыалын халандаара - 2008.

Суруйда Baaska. 2011-12-06 17:56:53 +10.



    
Яндекс.Метрика Рейтинг@Mail.ru
^ Үөһээ