Улаата илигинэ, 2 ыйын иннинэ, ылар ордук, итиэннэ боруода лаайкалартан төрөөбүтү. Оччоҕуна туох үчүгэйдээҕин - куһаҕаннааҕын эрдэттэн билэҕин. Ыт оҕотун төрөппүттэрэ тас көстүүтэ үчүгэйин ааһанүчүгэй бултуур хаачыстыбалаах буолуохтаахтар.

Төрүөхтэн ордук чэгиэннэрин, сытыыларын талын - оннук ыт оҕолоро ийэлэрин эмиийин түргэнник булаллар, мөлтөхтөрү үтүрүйэллэр. Бөдөҥ көрүҥнээх буолла да бөҕө-таҕа буолуо дии санааман. Эмис, кылбачыгас ньырҕа түүлээх, сытыы- сылбырҕа, бор буоллаҕына - ол үчүгэй туруктаах, сөпкө сайдар кыахтаах ыт оҕото. Токур атахтардаах, суон сүһүөхтээх, санньылыйбыт көхсүлээх, ньалбыгыр истээх ыт оҕото рахиттааҕын бэлиэтэ. Түүтэ кылбачыйбат, аһыыра мөлтөх буоллаҕына лиистиктээҕин, атыне да ыарыылааҕын туоһулуур.

Ыт оҕотун түүтүн өҥө боруодатын стандартыгар эппиэттиэхтээх. Биир ыйдааҕар түүтэ көп, тура сылдьар буолар. Будьурхай түүлээҕи талыман. Муннун төбөтө хараҥа буолуохтаах. Тииһин ыпсыыта сыыһа ыты көрө да барыман.

Улааппыт ыты тавлар буоллаххытына экстерьерэ /тас бэлиэлэрэ/ сөптөөҕүн, төрдүн-ууһун, доруобуйатын туругун саныйан көрүҥ. Бултуур хаачыстыбаларын кыылга эбэтэр көтөргө илдьэ сылдьан бэрибиэркэлээн.

Кыраһа #1. 1994 сыл.