|
.
|
|
Билигин
сайтка 5 киһи
баар
|
Сотору:
2 күнүнэн: 10.06.2025 Дьахтар күүлэйдиир күнэ. Сайылыкка көһүү сүпсүлгэнэ бүтэн, нус - хас үүт тураан күннэр үүнэллэр. Уоскуйбучча дьахталлар оҕолорун батыһыннара сылдьан, кырдьаҕас хатыҥ маска салама ыйыыллар, алаадьы буһаран сыт таһаараллар. Өгүрүө кэлэр. Дөлүһүөн сибэккилэнэр, сардаана тыллар. Бу күн чуумпу - үчүгэй үүнүүлээх дьыл.
4 күнүнэн: 12.06.2025 Российскай федерация суверенитетын кунэ. Ыраас, куйаас, чэмэлкэй күннэр.
6 күнүнэн: 14.06.2025 Самаан сайын са5аланар кэмэ. Ыhыахтар са5аланаллар. Ардаатаҕына - үчүгэй үүнүү.
8 күнүнэн: 16.06.2025 Бугун хотуттан, ар5ааттан тыалырда5ына - сайына ардахтаах.
13 күнүнэн: 21.06.2025 ЫhЫАХ КYНЭ. Этиҥ этэрэ элбиир. Сыыс оту, кучуну үргүүллэр, бүгүйэх тиллэр, ынах үүтэ тардар. Көтөр сымыыт баттыыр үгэнэ. Эһэ, саарба иссэр, тайах төрүүр, андаатар ууһуур, ороһу биэ төрүүр. Туос хам сыста илигинэ хастанар. Ыһыах буолар. Этиҥнээх ардах түстэҕинэ - от хомуура мөлтөх.
|
|
Билгэ
Күн Куйаарыма кинигэтинэн билгэ.
Билгэлэнэргэ биир киhи күҥҥэ биирдэ эрэ баттыахтаах, ол кэннэ утуу субуу хаста да баттаабытын аахсыллыбат, маҥнайгы эрэ сырыын дьиҥнээх буолар.
БИЛГЭЛЭН <--баттаа
|
|
Ыты мэҥэстии
А.А. Саввин (72 саастаах): Болтоҥо оҕонньоро эппитинии, кини оҕо эрдэҕинэ ыты акка мэҥиэстэ сылдьалларын көрөрө үһү.
Ыала оҕонньор Уутунньук Көстүүн (Миронов Константин) күһүн эбэ сиһигэр (Чурапчы сиһэ) куобахтыы барарыгар биир сүүрүк ыттааҕын мэҥиэстэн барар эбит, акка киһи оҕону мэҥиэстэрин курдук. Ол мэҥиэстэн иһэн куобах суолун көрдөҕүнэ сүүрүк ытын ыытар, түһэрэр эбит.
П.П.Лебедев (45 саастаах) Эмис Болтоҥо нэһилиэгин киһитэ кэпсиир. Маайыскайга (Алдан өрүскэ) бу саҥардыы соҕус биир булчут киһи саһылдьыт ытын, моонньуттан быалаан барансин киһи оҕону мэҥиэстэрин курдук, мэҥиэстэ сылдьарын көөртүм. Ыта ат самыытыгар олорон иһэр үһү. Быатыттан ытын куругар баайан, ата хааман лабыгыратан иһэр үһү. Маайскай дьоно сорҕото тоҥус, сорҕото саха булааһан үөскээбит гына кэпсииллэр. Араас былыргы быһыы, тыл тобоҕо кинилэргэ билигин да ордон хаалбыт. Кинилэр ааттаах булчуттар. Сүүрүк атынан эбэтэр сүүрүк ытынан эккирэттэрэн сахалар саһылы, куобаҕы былыргыттан бултууллар эбит.
1942 с., олунньу 6 к.
Кыраһа #1. 1994 сыл.
Суруйда Baaska. 2011-12-06 17:42:01 +10.
|
|
^ Үөһээ
|
|
|