Өрдөөҕүтэ, Ньукулай букатын эдэр эрдэҕинэ, өссө эһэни, тайаҕы бултаһа илигинэ, биир билэр киһитэ кини туһаҕар тайах иҥнибитин, ону эһэ сиэбитин тыллаабыт. Ол сиэҥҥэ эһэҕэ туһах ииппитин, солото суох буолан хаалан, бэркэ сэрэнэн баран көрөн кэлэллэригэр көрдөспут. Онно Ньукулай бэйэтин курдук эдэр Ньууччахаан диэн уоллуун иккиэйэҕин атынан барбыттар. 

Киһилэрэ ыйбыт сиригэр чугаһаан, аттарын тииккэ баайан туһахха сүүрбэччэхаамыы чугаһыахтарыгар диэри туох да көстүбэтэх. Онтон эмискэ эһэбуорга тахсыбыт оҥкучаҕыттан ойон тураат, иҥнибит туһаҕын тула эргийэн кулахачыйбыт. Уолаттар турар сирдэриттэн ытыалаабыттар да биэстии сүнньүөх ботуруоннара бүппүт. Эһэлэрэ мөхсүбүтүн курдук өрө холоруктана сылдьыбыт. Уолаттар ыксаабыттар. Хата, чэккиэстиэх (кэрчиэс) диэн өй ылан ол ботуруоннарынан ытыалаабыттар эһэлэрэ дьэ хамсаабат буолбуьт.

Ньукулай этэринэн, туһахха иннибит эһэ мөхсөр кэмигэр олох сыала суох буолар эбит. Астыы сылдьан сыныйан көрбүттэрэ, уонча сүнньүөҕүнэн биирдэ да тыын сирин таппатахтар. Наар сиирэ халты түһэрбиттэр. Онон Николай Афанасьевич аар тайҕа улуу кыыла эһэ туһунан: "Кыһалҕата суох киһи анаан бултаспат сүдү кыыла эбит, барахсан ойууругар көҥүл босхо сырыттын ээ. Биһиги диэки олохтоох эһэлэр киһини-сүөһүнү тыыппаттар, онтон торҕоннообут, айан уонна оҕолоох эһэлэр дьоҥҥо сэргэҕэ кутталлаахтар", - диэн, хос быһааран биэрэр.

Пантелеймон Дарбасов Томпо, Мэҥэ Алдан. "Кыым"хаһыат 2015 сыл от ыйын 16 күнэ.