Сэбээн Күөл бөһүөлэгэр балыаһалара тыа саҕатыгар турар үһү. Балыыһа аттыгар баар пилорамаҕа бөдөҥ-садаҥ, күүстээҕинэн биллэр эдэр нуучча үлэлиирэ. Кэргэнэ балыыһаҕа санитаркалыыр дуу, туох дуу эбит. Кинилэр балыыһа аттынааҕы дьиэҕэ олорбуттар. 

Биирдэ ыам ыйыгар балыыһа аттыгар ол нуучча киһитэ суолга эһэни кытта ыы муннунан кэтиллэ түспүт. Адьырҕа ырдьыгынаабытынан, тииһин килэппитинэн саба түһээри утары кэлбитигэр эр киһи эһэни икки сабырҕаҕыттан харбаан ылан утары анньа сатаабыт. Ол кэмҥэ эһэ кинини тыҥырахтаах баппаҕайынан окумалын, сирэйин охсуолаан балачча бааһырдыбыт. Оруобуна ити кэмҥэ балыаһаттан кэргэнэ биир дьахтардыын бөх тоҕо тахсыбыттар. Эһэ кинилэри көрөн аны дьахталлар диэки сүүрбүт. Онуоха нуучча дьахтара соччо бачча уолуйбатах: субу ыһыллаҥнаан кэлбит эһэни дьиэни сууйбут кирдээх уутунан сирэйгэ саба ыспыт. Онуоха эһэлэрэ тохтоон илгистэр кэмигэр били дьон бука бары балыыһаҕа ыстанан киирбиттэр. Киирээт төлөпүөн үрдүгэр түһэн, саалаах дьону ыҥыран, ол баппатах эһэни сойуолаһан өлөттөрбүттэр.

Пантелеймон Дарбасов Томпо, Мэҥэ Алдан. "Кыым"хаһыат 2015 сыл от ыйын 16 күнэ.