Сайыҥҥы кэмҥэ саҥа хаптарыллыбыт балыгы өр тыыннаах тутар туһугар содуоктан (куйуурдуҥу быһыылаах, тутаахтаах сиэккэ) ордук суох. Уууга содуокка  угуллубут балыктар бэйэ бэйэлэрин кытта  аалсыбакка холкутук сылдьыахтаахтар.

Содуок күлүктээх, кыра сүүрүктээх сиргэ тутуллуохтаах. Балык сэниэтэ эстэн "утуйан" бардаҕына тута салгыҥҥа таһаарыллар (ууга салгыннааҕар түргэнник буорту буолар). Балыгы өр тыыннаах  тута сылдьарга туох да интириэс суох буоллаҕына, ууттан хостоон таһаараат эрэйдээбэккэ тута өлөрүллэр. Ол кэннэ, өскөтүн балык орто эбэтэр улахан буоллаҕына, кутуругун таһынан сиһин хайа быһан баран  таҥнары тутан хаанын сүүрдүллэр, хайыытын (жабры) ылан быраҕыллар.

Куйаас күҥҥэ хаптарыллыбыт балык буорту буолбатын диэн иһин хостонуллар, ол кэннэ ууга сууйбакка эрэ отунан эбэтэр кураанах тэрээпкэнэн ньылбы сотуллар. Ол кэннэ балык арыллыбыт иһэ тэнийэ сылдьарын курдук мас тоһоҕолорунан туттаран баран салгыҥҥа 15-20мүнүүтэ ыйаан кэбиһиллэр. Оччоҕуна балык ордук - хос убаҕаһа көтүө, чараас хаҕынан бүрүллүө. Ити кэнниттэн балыгы истэри-тастары хомус от кураанах сэбирдэҕинэн, хатыылаах отунан, эбэтэр харас сэбирдэҕинэн суулууллар. Маннык бэлэмнэммит балыгы ханна эрэ илдьэ барарга өрүү корзинаҕа угар ордук, түргэнник буорту буолбатын диэн чесноккырбаммыт куһуоктарын таммалатын.

"Кыым" хаһыат 2006 сыл сэтинньи 9 күнэ.