Үөрүйэх балыксыт сиртэн саҥа хостоммут чиэрбэни мэҥиэ быһыытынан хаһан да туттубат. Чиэрбэни хостоон баран биир-икки күн сытыаран "сынньаталлар". ити кэм устата чиэрбэ буордара-сыыстара ыраастанар, өҥнөрө кытарар, аччыктаан хамсыыр-имсиир буолаллар, сибиэһэй дьүһүннэнэллэр.
Саҥа хостоммут чиэрбэни "сынньатарга", дьиҥинэн, муох үчүгэй эрээри,ол куорат усулуобуйатыгар дэбигис кыаллан биэрбэт. Онон сүүрбэччэ-отучча чиэрбэни полиэтилен бааҥкаҕа, иһигэр илитиллибит оту кытта буккуйа угаллар. Бааҥка хаппаҕа салгын киирэрин курдук эрдэттэн тэһиллибит дьөлөҕөстөрдөөх буолуохтаах. "Астаах" бааҥканы сөрүүн сиргэ уураллар. Дьиэлээх хаһаайка сөбүлэҥин кыайан ыллаххытына, холодильник ити сыалга олус бэркэ барсар.
"Кыым" хаһыат 2006 сыл сэтинньи 9 күнэ.