Модьугу (филин) диэн куобаҕынан аһылыктанар, хахханнааҕар улахан, хоройо сылдьар кулгаахтаах, модьу тыҥырахтаах көтөр соҕуруу барбат, бу дойдуга кыстыыр.
Аччыктаатаҕына, саһан олорон, ааһан иһэр тайах үрдүгэр ыстанар эбит. Аҥаар атаҕынан тайах көхсүттэн сабардаан баран, иккис атаҕынан мастан тардыһан, тохтотон сиир санаалаах эбит. Тайах онно тохтоон туруо дуо, хайа тардан баран хаалар эбит. Ол курдук модьугу аҥаара тайах үрдүгэр, аҥаара маска хаалан хатан турарын үгүстүк көрөллөрө үһү дииллэр. Хор, ол курдук күүстээх санаалаах көтөр эбит, модьугу.
Ылылынна: Саха ыалын халандаара - 2008