Сахаларга собо кэнниттэн биир биһирэнэр балыгынан мунду буолар. Биһиги мундуну астыыр хас да ньыманы билэбит. Мундуну мииннээһин сүрдээх судургу. Обургу мундуну арҕаһыттан быһаҕынан төбөтүн быһаргар суон оһоҕоһун сыыйан ылыллар.

Илимтэн эбэтэр муҥхаттан таһаарыллыбыт сордоҥу тута хатырыктыыр чэпчэки буолар. Хатырыга хаттаҕына сордоҥу хатырыктыыр судургута суох дьыала буолар.

Хойуу, элбэх соболоох Саха сирин оройуоннарын дьонноро былыргыттан баччааҥҥа диэри собо тылын мунньан ытыктыыр мааны дьонноругар кэһии оҥостор үтүө үгэстээхтэр.

Собо искэҕин уонна өлүн ороон ылан баран ынах арыытыгар сотору - сотору булкуйа - булкуйа буһарыллар. Саҥа хойдон истэҕинэ туус уонна сүөгэй кутуллар. Буһарыы бара турдаҕына арыы таҕыстаҕына буһуу ситэр.

Бытархай собону бэйэтин сүмэһэнигэр буһарыы ньымата баар. Собону ыраастаан, үөһүн ылан баран, лаахтаах халыҥ чугуун анал соркуой иһитигэр, уу, туус, ынах арыытын кутан баран, билиитэ оһоххо эбэтэр духовкаҕа угаҕын.