Тоҥ балык - кэпсэлгэ киирбит аһылык. Кыһынын муус аннынан бултаммыт чыыр, уомул, муксуун, тууччах, бил, хатыыс тоҥнуу сииргэ ордук маассабайдык туһаныллаллар.
Илимтэн таһаарыллыбыт балыгы төбөтүттэн уонна кутуругуттан ылан мускуйа түһээт, мууска быраҕан тоҥоруллар. Итинник тоҥордоххо балык кырыарбат. Остуолга аҕалыах иннинэ, балыгы арҕаһын уонна өрөҕөтүн тириилэрин кыһыллар уонна төбөтүттэн саҕалаан тириитин арааране баран, кутуругар диэри хастыы тардан ылыллар. анал ыраас таҥаска эбэтэр кумааҕыга кутуругуттан устуруускалыы кыһыллар. Тоҥ кыһыллыбыт балыгы остуолга уопсай тэриэлкэҕэ эбэтэр бүлүүдэҕэ ууруллар., сииргэ анаан томат соуһун, 3 бырыһыаннаах уксууһу, хартыыһаны, биэрэһи, чесногу, тууһу ууруллар.
И.И. Тарбахов "Эн остуолун сахалыы астара". Якутскай - 1991.