Бу улахан өрүстэргэ балачча чаастатык бултанар, биһиги республикабытыгар биир күндү балыгынан буолбут туучаҕы үксүгэр тоҥнуу кыһан аһылыкка туһаналлар. Бу балыгы мииннээн уонна соркуойдаан сиир эмиэ куһаҕана суох.

Туучах симии куртаҕын астааһын сахаларга биир биһирэммит бүлүүдэнэн биллэр. улахан туучах ыраастаммыт куртаҕар 300 грамм оһоҕоһун, ыстакаан 2-3 сиһин хаанын, 130 грамм быарын, 150 грамм эриэппэ, эбэтэр күөх луугу, 100 грамм балык ис сыатын, сөп түбэһэринэн тууһу уонна биэрэһи симиллэр.

Балык сиһин хаанын ньуосканан ыраас гына нтиккирийэн ылыллар уонна хааҥҥа холбоон быары үчүгэйдик кырбаныллар. Балык иһин сыатыгар эриэппэ луугу бытархай гына кырбаан соркуойданыллар уонна үчүгэйдик ыраастаныллан кырбаммыт оһоҕоско, быардаах хааҥҥа кутуллар. ити бэлэмнэммити балык сыатыгар миинин холбоон соркуойданыллар. Соркуойдаммыт балык итии иһин куртаҕар симиллэр уонна ууга буһарыллар. Бу буһарыллыбыт бүлүүдэни атын балык астарга эбилик быһыытынан эбэтэр бэйэтин туспа иккис бүлүүдэ быһыытынан остуолга аҕалыллар.

И.И. Тарбахов "Эн остуолун сахалыы астара". Якутскай - 1991.