Сахаларга собо кэнниттэн биир биһирэнэр балыгынан мунду буолар. Биһиги мундуну астыыр хас да ньыманы билэбит. Мундуну мииннээһин сүрдээх судургу. Обургу мундуну арҕаһыттан быһаҕынан төбөтүн быһаргар суон оһоҕоһун сыыйан ылыллар.

Итиннэ таарычча мунду үөһэ хос кэлэр уонна сууйан баран син эмиэ собону миинниир курдук буһарыллар. Буһан тахсыбытын кэннэ үүт эбэтэр чөчөгөй кутуллар. Мундуну остуолга аҕаларга пиалаларга эбэтэр кыра кытыйаларга мииннэри баһан бэриллэр. 1 килограмм мундуну буһарарга 1,5 литр уу, ыстакаан 1/3 үүт эбэтэр 2 остолобуой ньуоска чөчөгөй, туус бэлэмнммллэр.

Биһиэхэ мундуну үөлэн баран табаарыстаргын күндүлүүргэ кэһии оҥостунар үгэс эмиэ баар. Тууттан таһаарыллыбыт мундуну хаптаҕай соҕус үтэһэҕэ өрөҕөтүттэн сиһигэр таһааран үөлүллэр. Үөлүллүбүт үтэһэни уотун күүһэ бүппүт уокка анньыллар. Буһаоыы эргитиллэ сылдьан ыытыллар. Ити бэлэмнэниллибит балыгы сылаастыы уонна сойбутун да кэннэ сиэххэ сөп. Мундуну үөлүүгэ туус туһаныллыбат.

Мундуну үөһэ этиллибит курдук үөлэн үчүгэйдик буһаран баран сойутуллар. Балык сойор кэмигэр манна анаан көбүөр охсуллар. Сойбут мундуну ити оҥоһуллубут көбүөргэ булкуйуллар. 1 килограмм үөлүллүбүт мундуга 1,1 килограмм көбүөр оҥоһуллуохтаах. Маннык бэлэмнэниллибит аһылыгы остуолга улахан уопсай, дтртҥ таас миискэҕэ ууруллар.

Мундуну соркуойдаан эмиэ сиэниллэр. Сууйуллубут мундуну арыыта улаханнык итийбит хобордооххо биир дьапталҕанан кутуллар уонна балыгы эргитэ сылдьан соркуойданыллар. соркуойдааһыны хатара соҕус ыытыллар. 1 килограмм мундуга ыстакаан 2/3 мас арыыта, иуус ылыллаллар.

И.И. Тарбахов "Эн остуолун сахалыы астара". Якутскай - 1991.