Илимтэн эбэтэр муҥхаттан таһаарыллыбыт сордоҥу тута хатырыктыыр чэпчэки буолар. Хатырыга хаттаҕына сордоҥу хатырыктыыр судургута суох дьыала буолар.
Бу балык иһэ ылыллар, төбөтүттэн хайыыта араарыллар, үчүгэйдик сууйуллар, лапчааннара быһыллаллар уонна тэҥ кэрчиктэргэ үөрэҕэстэниллэр. Балыгы буһарар анал көстөрүүлэҕэ уу кутан буһарыллар.
- Хортуоппуй,
- луук,
- 30 грамм ынах арыыта,
- туус,
- биэрэс,
- лавровай лиис ылыллар.
Сордоҥу орто соҕус уокка сыыйа буһарыллар. Балык миинигэр дагдайан тахсыбыт күүгэн хайаан даҕаны баһыллыахтаах, күүгэн баһыллыбатаҕына хабархай амтаннанар, өҥүн сүтэрэр. Балык буһан тимириитин саҕана бэлэмнэниллибит тууһу, биэрэһи, лавровай лииһи, арыыны кутуллар. Буһан бүппүт балык үөрэҕэстэрин остуолга ууруллуохтаах уопсай иһиккэ хоторуллар. Миинин тэриэлкэлэргэ баһан бэриллэр. Бу балык этэ сүрдээх хойуу буолар, онон сииргэ анаан остуолга ынах арыыта аҕалыллыахтаах.