|
.
|
|
Билигин
сайтка 5 киһи
баар
|
Сотору:
2 күнүнэн: 10.06.2025 Дьахтар күүлэйдиир күнэ. Сайылыкка көһүү сүпсүлгэнэ бүтэн, нус - хас үүт тураан күннэр үүнэллэр. Уоскуйбучча дьахталлар оҕолорун батыһыннара сылдьан, кырдьаҕас хатыҥ маска салама ыйыыллар, алаадьы буһаран сыт таһаараллар. Өгүрүө кэлэр. Дөлүһүөн сибэккилэнэр, сардаана тыллар. Бу күн чуумпу - үчүгэй үүнүүлээх дьыл.
4 күнүнэн: 12.06.2025 Российскай федерация суверенитетын кунэ. Ыраас, куйаас, чэмэлкэй күннэр.
6 күнүнэн: 14.06.2025 Самаан сайын са5аланар кэмэ. Ыhыахтар са5аланаллар. Ардаатаҕына - үчүгэй үүнүү.
8 күнүнэн: 16.06.2025 Бугун хотуттан, ар5ааттан тыалырда5ына - сайына ардахтаах.
13 күнүнэн: 21.06.2025 ЫhЫАХ КYНЭ. Этиҥ этэрэ элбиир. Сыыс оту, кучуну үргүүллэр, бүгүйэх тиллэр, ынах үүтэ тардар. Көтөр сымыыт баттыыр үгэнэ. Эһэ, саарба иссэр, тайах төрүүр, андаатар ууһуур, ороһу биэ төрүүр. Туос хам сыста илигинэ хастанар. Ыһыах буолар. Этиҥнээх ардах түстэҕинэ - от хомуура мөлтөх.
|
|
Билгэ
Күн Куйаарыма кинигэтинэн билгэ.
Билгэлэнэргэ биир киhи күҥҥэ биирдэ эрэ баттыахтаах, ол кэннэ утуу субуу хаста да баттаабытын аахсыллыбат, маҥнайгы эрэ сырыын дьиҥнээх буолар.
БИЛГЭЛЭН <--баттаа
|
|
Собо тыла
Хойуу, элбэх соболоох Саха сирин оройуоннарын дьонноро былыргыттан баччааҥҥа диэри собо тылын мунньан ытыктыыр мааны дьонноругар кэһии оҥостор үтүө үгэстээхтэр.
Буспут собо тылын арааран ылан тымныы сиргэ мунньуллар. Буспут, тоҥоруллубут собо тылын дьиэ салгыныгар сыыйа ириэриллэр. Ирбитин кэнниттэн ынах арыытыгар кыратык уулаан сыыйа буһарыллар буһарыллар уонна остуолга бэриллэр. Маннык бэлэмнэниллибит собо тыла олус минньигэс уонна сытыы буолар. 300 грамм буспут собо тылыгар итинник сылытан сиэһиҥҥэ 30 грамм ынах арыыта, ыстакаан аҥара уу уонна туус бэлэмнэниллэр.
Сахалар собо тылын үөлэн сиири сүрдээҕин сөбүлүүллэр. Буспут собо тылын сөрүүн сиргэ ууруллар уонна хаппыт киил маһынан бэлэмнэниллибит синньигэс үтэһэҕэ үөлүллэр. Бттр үтэһэҕэ бөдөҥ собо 5 - 6 тылын үөлүөххэ сөп. Үөлүллүбүт итинник тылы остуолга өлүү быһыытынан дьоҥҥо биэрэр ордук табыгастаах.
собо тылын сүөгэйгэ буһарыы сүрдээх судургу ньымата баар. Буспут собо тылын чугуун хобордооххо кутуллар уонна үрдүгэр халыччы 25 бырыһыаннаах сүөгэйи кутуллар. Ити кэнниттэн мөлтөх уокка сыыйа буһарыллар. Сүөгэй арыыта таҕыстаҕына буһарыы тохтотуллар. Маннык бэлэмнэниллибит собо тылын остуолга итиилии биэрэр ордук.
И.И.Тарбахов “Эн остуолун сахалыы астара”, “Якуткига”, 1991.
Суруйда Baaska. 2011-12-11 21:48:47 +10.
|
|
^ Үөһээ
|
|
|