Бытархай собону бэйэтин сүмэһэнигэр буһарыы ньымата баар. Собону ыраастаан, үөһүн ылан баран, лаахтаах халыҥ чугуун анал соркуой иһитигэр, уу, туус, ынах арыытын кутан баран, билиитэ оһоххо эбэтэр духовкаҕа угаҕын.

Оһох умайан бүппүт уонна турбата сабыллыбыт буолуохтаах. Ити ньыманан үчүгэйдик буспут собо уҥуохтара кэнсиэрбэлэммит балык уҥуохтарын курдук сымныыллар. Балык бэйэтин форматын итинник буһарыыга сүтэрбэт. Буһарыы 6-7 чаас устата барар. Буһарыы барар кэмигэр хаппахтаабыт иһиккин аһыа суохтааххын. Биир килограмм бытархай собону итинник ньыманан буһарыыга 1,5 ыстакаан уу, 50 грамм ынах арыыта эбэтэр маргарин, тууһу уонна биэрэһи куталлар.

И.И.Тарбахов “Эн остуолун сахалыы астара”, “Якуткига”, 1991.