Билиҥҥи кэмҥэ собону симии оһоҕос ньыматынан бэлэмнээн буһарыы үгүстүк туһаныллар. Балык өлүн, искэҕин үөстүүргэ хайытыллыбыт сиринэн ороон ылыллар уонна ынах арыытыгар соккуойданар. 

Эриэппэ эбэтэр күөх луугу туспа соккуойдуу түһэн ылыллар уонна соккуойдаммыт искэххэ, өлгө булкуйуллар. Итинник буспут өлгө, искэххэ риһи холбоон фарш оҥоһуллар. Өскө итинник бэлэмнэниллибит фарш бытарыйа сылдьар буоллаҕына сүөгэйинэн убатыллар. Туус уонна биэрэс бэйэҕэ сөп буоларынан кутуллар. Бэлэм фарш собоҕо төттөрү кутуллар уонна соркуойу маҥнайгы ньыманан буһарыллар. Ол эрээри, аан маҥнай собо хайытыллыбыт өртүнэн буһарыы умнуллуо суохтаах. Фаршированнай собону сылаастыы сиир ордук.

Биир орто (200 грамм кэриҥэ) собону буһарарга 20 грамм буспут рис, 25 грамм соркуойдаммыт луук, 5 грамм ынах арыыта, 1,5 остолобуой ньуоска мас арыыта, 2 остолобуой ньуоска 25 быраһыаннаах сүөгэй, балыгы тас өртүн булкуйарга анаан 10 грамм бурдук бэлэмнэниллэр.

И.И.Тарбахов “Эн остуолун сахалыы астара”, “Якуткига”, 1991.