- Күн устата киһини 44 оһол күүтэр, олортон күрүөлэнэн искэр этиллиэхтээх: «Аҕыс Айыыларым аргыстаһыҥ, сэттэ иэйиэхситтэрим эҥээрдэһиҥ!». Салгыы бэйэҕэр тугу баҕараргын, саныыргын эт, көрдөс.

- Айыы киһитэ араҥаччылыыр, быстахтан, оһолтон күрүөлүүр, куһаҕантан сэрэтэр Иэйиэхситтээх буолар. Дьон иэйиэхсити хомоппот буоларга кыһанар.Күрүөтэ кэбирээбит киһи эрэх – турах санаммат, куттана – кумуна сылдьар, сыыһа – халты быһыыланар, бииртэн – биир кыһалҕаҕа ылларар, ыарытыйара үксүүр. Итинник түбэлтэҕэ Иэйиэхсиккэ туһаайан алгыс аныыллар:

- Ыраастаныы диэн ыарыы күлүгүн, дьон куһаҕан тылын, хара санаатын тэйитии. Киһи киртэн дьайтан ыраастанарга дьулуһар.

- Куһаҕаны санаатаххына, эттэххинэ, көрдөххүнэ: «Кый», - диэн үүрэр куолу.

Кыстыгы этэҥҥэ туораан күөххэ үктэниэх иннинэ – ыам ыйыгар сахаҕа былыргыттан арчыланар, ыраастанар үгэс олохсуйбут. Кыс устата мунньуллубут бөх эргэ дьылтан хаалбыт кир буолан, өҥ-быйаҥ олохсуйарын мэһэйдиэн сөп. Дьон тиэргэннэрин, дьиэлэрин ыраастыыллар, бөхтөрүн уматаллар, ол буруота ийэ-сиргэ сатыылаан, бэйэтэ туспа арчы буолар.

Дьиэ кэргэн дьоро күнүгэр – оҕо, сүөһү айыыһытыгар, урууга, дьиэ малааһыныгар, сэргэ туруоруутугар, Байанай бэристэҕинэ – сэмэйдик үөрэн, аһара арбаммакка, санаа иһинэн айбыт Айыыларга, айылҕа, сир-дойду, дьиэ-уот иччилэригэр үҥэн-сүктэн, айах тутан махтанар саха үтүө үгэһэ.

Оҕо абааһыта буулаатаҕына оҕо төрөөт  өлөн иһэр диэн итэҕэл баар. Игнатий Прудецкай диэн 80-нун ааспыт оҕонньор уонтан тахса оҕолоох ыалтан  соҕотоҕун ордон хаалбыт кэпсээнэ маннык…

Бу ыал оҕолоннохторун ахсын оҕолоро ыйдарын туолбакка биитэр биир саастарын ааһан баран өлөн хаалаллар эбит. Онно ойуун көрүүлэнэн баран, «ойуун абааһыта буулаабыт» диэн быһаарбыт.