Кэмсинии

Кэмсинии диэн бэйэни буруйдаах курдук сананыы ааттанар. Бары сыыһаҕа-халтыга, алҕас тахсыытыгар атыттары күтүрээн буолбакка, киниэхэ быһаччы сыһыаннаах курдук тутталлар.

Кэмсиннэххэ киһи аньыыта-харата чэпчиир, тыына ырааһырар. Кэмсиммит киһи Айыыларга чугаһыыр уонна кута сүрэ уоскуйар, көтөҕүллэр. Киһи кэмсиннэҕинэ эрэ атыттарга туһалыыр. Иэдээнтэн, алдьархайтан араҥаччылыыр.

Бастатан туран, кэмсинэр буоллахха, Айыы Таҥара бэйэтигэр чугаһатар, доҕор оҥостор.

Иккиһинэн, кэмсинэр буоллахха, киһи кырдьыгы, дьиҥи өйдүүрэ улаатар. Аньыылаахтан харалаахтан Айыыһыта, Иэйиэхситэ киэр хайыһаллар.

Оччоҕуна кэмсиммэтэх киһи тыына ыарыыр. Хараҕа хараҥарар. Кэмсинии диэн быыһанарга Айыылар көмөлөрө буолар.

Үсүһүнэн, кэмсинэр буоллахха, киһи көрдөһөр көрдөһүүтэ, этинэр этиниитэ ордук тиийимтиэ буолар. Кэмсиммэккэ эрэ үҥтэххэ иччилэр, Айыылар киэр хайыһаллар, чугаһаабаттар.

Төрдүһүнэн, кэмсиммэккэ эрэ мээнэ үҥэр - сүктэр туһата суох. Кэмсиммэккэ эрэ үҥүү-сүктүү - иэһи төлөөбөтөх тэҥэ.

Киһи олоҕун тиһэх күнүгэр диэри кэмсинэрин умнуо суохтаах. Олоҕу тиһэх чааһыгар кэмсинэн, этинэн барыахтаах.

Айыыны, иччини, таҥараны билиммэппин диэн киэр этиммит, хойутун хойут син биир кэмсинэр.

Дьокуускай, Бичик 2009 . Дабыл

Эйгэ - сахалыы сайт http://eyge.sakha.ru/?fn_mode=fullnews&fn_id=1129&do=ayww
http://eyge.sakha.ru