Былыр өлбүтү тиһэх суолугар атааралларыгар анараа дойдуга аттанар миинэр миҥэтэ "хоолдьуга" диэн аты өлөрөллөрө.
Хоолдьуганы үс-түөрт буолан ат түөрт атаҕын чиккэччи кэлгийэн охтороллоро, онтон биир мындырдара түөһүн анньыынан дьөлө түһэн үөс тымырын быһара. Хоолдьуганы сытыы быһаҕынан тириитин алдьаппакка, иҥиирдээбэккэ, уҥуох уҥуоҕунан бысталаан астыыллара. Ити былыргы үгэс "садаҕа быһыы" диэн ааттанара.
Саха көмүүлэригэр ат тэрилэ үгүстүк көстөр. Нуучча кэлиэн иннинээҕи кэмҥэ сорох өлбүтү ыҥыыр сыттыктаан тэрийэллэрэ. Ити Киин Азия көс биистэригэр киэҥник тэнийбит түҥ былыргы үгэс.
Саха ыалын халандаара - 2013 сыл.