|
.
|
|
Билигин
сайтка 3 киһи
баар
|
БYГYН: Мүөттээх сиик түһэр. Сүмэһин таһаарар үүнээйи аһылыктаах үөн - көйүүр тиллэр, ыам кумаара түһэр.
Сотору:
2 күнүнэн: 10.06.2025 Дьахтар күүлэйдиир күнэ. Сайылыкка көһүү сүпсүлгэнэ бүтэн, нус - хас үүт тураан күннэр үүнэллэр. Уоскуйбучча дьахталлар оҕолорун батыһыннара сылдьан, кырдьаҕас хатыҥ маска салама ыйыыллар, алаадьы буһаран сыт таһаараллар. Өгүрүө кэлэр. Дөлүһүөн сибэккилэнэр, сардаана тыллар. Бу күн чуумпу - үчүгэй үүнүүлээх дьыл.
4 күнүнэн: 12.06.2025 Российскай федерация суверенитетын кунэ. Ыраас, куйаас, чэмэлкэй күннэр.
6 күнүнэн: 14.06.2025 Самаан сайын са5аланар кэмэ. Ыhыахтар са5аланаллар. Ардаатаҕына - үчүгэй үүнүү.
8 күнүнэн: 16.06.2025 Бугун хотуттан, ар5ааттан тыалырда5ына - сайына ардахтаах.
13 күнүнэн: 21.06.2025 ЫhЫАХ КYНЭ. Этиҥ этэрэ элбиир. Сыыс оту, кучуну үргүүллэр, бүгүйэх тиллэр, ынах үүтэ тардар. Көтөр сымыыт баттыыр үгэнэ. Эһэ, саарба иссэр, тайах төрүүр, андаатар ууһуур, ороһу биэ төрүүр. Туос хам сыста илигинэ хастанар. Ыһыах буолар. Этиҥнээх ардах түстэҕинэ - от хомуура мөлтөх.
|
|
Билгэ
Күн Куйаарыма кинигэтинэн билгэ.
Билгэлэнэргэ биир киhи күҥҥэ биирдэ эрэ баттыахтаах, ол кэннэ утуу субуу хаста да баттаабытын аахсыллыбат, маҥнайгы эрэ сырыын дьиҥнээх буолар.
БИЛГЭЛЭН <--баттаа
|
|
Айхаллан Дьокуускай!
Дорообо Кэрэ киэн Туймаадам,
Долгуйар Дьокуускай куоратым!
Эн сүдү ааккынан киэҥ тутта
Турабын Айхалбын тириэрдэ!
Эндиэрдээх кэмнэрдиин эрийсэн,
Эллэһэн, киэҥ сиргэ тэнийэн
Улааттыҥ, Аар саарга аатырдыҥ!
Аан дойду эрэлэ Эн буоллуҥ!
Дьоһуннаах дьоннору таһаара
Билиигэ, үрдүккэ таластыҥ.
Киэҥ куйаар биллибэт эйгэтиг
Киэҥ тутта бар дьоҥҥо биллэрдиҥ!
Күнтэн күн киэркэйэ симэнэн
Күлүмнүү сандаарар чаҕылыҥ,
Эдэрдии Эн күүстээх эрчимиҥ
Эрэли үөскэтэр мэлдьитин!
Доҕордуу сүүс араас омуктар
Түөлбэлээн тэнийэн олорон
Дойдубут тэлимнэс былааҕын
Дьоһуннук күөрэччи туталлар!
Айхаллан Дьокуускай куоратым!
Туймаадам хочото уруйдан!
Мин дойдум кэрэ Киин куората,
Сахабыт киэн туттар сирдьитэ!
Сэгэй. 2012
Суруйда Baaska. 2015-09-13 13:59:31 +09.
|
|
^ Үөһээ
|
|
|