Дьиэ кэргэн дьоро күнүгэр – оҕо, сүөһү айыыһытыгар, урууга, дьиэ малааһыныгар, сэргэ туруоруутугар, Байанай бэристэҕинэ – сэмэйдик үөрэн, аһара арбаммакка, санаа иһинэн айбыт Айыыларга, айылҕа, сир-дойду, дьиэ-уот иччилэригэр үҥэн-сүктэн, айах тутан махтанар саха үтүө үгэһэ.

Аал уот отуннум,

Алтан сэргэ астым,

Ыал тэрийдим,

Ыччат көрдөстүм,

Ыра тэрийдим,

Үөргүн-сүүрүккүн

Үүккүн, уруугун тиэргэҥҥэр хааллар,

Уйгугун-быйаҥҥын,

Кэтит кэскилгин кэбиһэн бар.

Арыы, хайах алаастаах,
Үүт күөллээх,
Суорат тураҥнаах,
Самнах от дойдулаах,
Саһыл сүөһүлээх,

Дьэбэрэ тэллэх,
Бырыы сыттык,
Көппөх суорҕан,
Туона баай,
Күөх далай иччитэ
Күөх Боллох Оҕонньор,