Иэйэхсит

      Маанылаах кыыһа

      Иэйэхсит Хотун,

      Айхал!

      Халлаантан дьолу

      Тардааччы,

      Сири уоту кытта

      Сибээстээччи,

      Аан дойду сэргэтэ,

Иэйиэхсит киһини көрө-истэ, күрүөлүү-хаһаалыы сылдьар. Кинини маннык алгыыллар:

      Иэйиэхсит Хотун,

      Күлэн күлүмнээҥҥин,

      Эргийэн иэнигийэн,

      Хайыһан ханньасытан,

      Быарыҥ манньыйан,

- Күн устата киһини 44 оһол күүтэр, олортон күрүөлэнэн искэр этиллиэхтээх: «Аҕыс Айыыларым аргыстаһыҥ, сэттэ иэйиэхситтэрим эҥээрдэһиҥ!». Салгыы бэйэҕэр тугу баҕараргын, саныыргын эт, көрдөс.

- Айыы киһитэ араҥаччылыыр, быстахтан, оһолтон күрүөлүүр, куһаҕантан сэрэтэр Иэйиэхситтээх буолар. Дьон иэйиэхсити хомоппот буоларга кыһанар.Күрүөтэ кэбирээбит киһи эрэх – турах санаммат, куттана – кумуна сылдьар, сыыһа – халты быһыыланар, бииртэн – биир кыһалҕаҕа ылларар, ыарытыйара үксүүр. Итинник түбэлтэҕэ Иэйиэхсиккэ туһаайан алгыс аныыллар:

Кыстыгы этэҥҥэ туораан күөххэ үктэниэх иннинэ – ыам ыйыгар сахаҕа былыргыттан арчыланар, ыраастанар үгэс олохсуйбут. Кыс устата мунньуллубут бөх эргэ дьылтан хаалбыт кир буолан, өҥ-быйаҥ олохсуйарын мэһэйдиэн сөп. Дьон тиэргэннэрин, дьиэлэрин ыраастыыллар, бөхтөрүн уматаллар, ол буруота ийэ-сиргэ сатыылаан, бэйэтэ туспа арчы буолар.