|
.
|
|
Билигин
сайтка 5 киһи
баар
|
БYГYН: Мүөттээх сиик түһэр. Сүмэһин таһаарар үүнээйи аһылыктаах үөн - көйүүр тиллэр, ыам кумаара түһэр.
Сотору:
2 күнүнэн: 10.06.2025 Дьахтар күүлэйдиир күнэ. Сайылыкка көһүү сүпсүлгэнэ бүтэн, нус - хас үүт тураан күннэр үүнэллэр. Уоскуйбучча дьахталлар оҕолорун батыһыннара сылдьан, кырдьаҕас хатыҥ маска салама ыйыыллар, алаадьы буһаран сыт таһаараллар. Өгүрүө кэлэр. Дөлүһүөн сибэккилэнэр, сардаана тыллар. Бу күн чуумпу - үчүгэй үүнүүлээх дьыл.
4 күнүнэн: 12.06.2025 Российскай федерация суверенитетын кунэ. Ыраас, куйаас, чэмэлкэй күннэр.
6 күнүнэн: 14.06.2025 Самаан сайын са5аланар кэмэ. Ыhыахтар са5аланаллар. Ардаатаҕына - үчүгэй үүнүү.
8 күнүнэн: 16.06.2025 Бугун хотуттан, ар5ааттан тыалырда5ына - сайына ардахтаах.
13 күнүнэн: 21.06.2025 ЫhЫАХ КYНЭ. Этиҥ этэрэ элбиир. Сыыс оту, кучуну үргүүллэр, бүгүйэх тиллэр, ынах үүтэ тардар. Көтөр сымыыт баттыыр үгэнэ. Эһэ, саарба иссэр, тайах төрүүр, андаатар ууһуур, ороһу биэ төрүүр. Туос хам сыста илигинэ хастанар. Ыһыах буолар. Этиҥнээх ардах түстэҕинэ - от хомуура мөлтөх.
|
|
Билгэ
Күн Куйаарыма кинигэтинэн билгэ.
Билгэлэнэргэ биир киhи күҥҥэ биирдэ эрэ баттыахтаах, ол кэннэ утуу субуу хаста да баттаабытын аахсыллыбат, маҥнайгы эрэ сырыын дьиҥнээх буолар.
БИЛГЭЛЭН <--баттаа
|
|
Дьиэ маһын кэрдии алгыһа
Тыаҕа тахсан мас кэрдэргэр сир-дойду, тыа иччилэриттэн аал уот оттон көрдөһөҕүн - ааттаһаҕын:
Хара тыам иччитэ, Сирим - дойдум иччилэрэ, Киһи буолар Кэскилбин тэринэрбэр, Ыал буолар Олохпун оҥосторбор, Алаһа дьиэ туттаары Айгыстан ахан эрэбин. Атыҥырыы көрүмэҥ, Айыы киһитэ буоламмын Алааһым кытыытыгар баар Хара тыабыттан, Өһүллүбэт өһүө, Сындааһыннаах сындыыс Буоларын туһугар, Эһигиттэн көҥүл ылан Үрүҥ аһынан алҕаан Охтордоҕум буоллун! Ол кэнниттэн суоратынан маска ыһаҕын. Дьэ онтон мастары суулларан баран үчүгэйдик куурдаҕын. А.С. Федоров "Өбүгэ сиэрэ - туома" кинигэтиттэн. Бичик - 2011.
Суруйда Baaska. 2017-12-05 20:48:47 +09.
|
|
^ Үөһээ
|
|
|