|
.
|
|
Билигин
сайтка 3 киһи
баар
|
Сотору:
2 күнүнэн: 10.06.2025 Дьахтар күүлэйдиир күнэ. Сайылыкка көһүү сүпсүлгэнэ бүтэн, нус - хас үүт тураан күннэр үүнэллэр. Уоскуйбучча дьахталлар оҕолорун батыһыннара сылдьан, кырдьаҕас хатыҥ маска салама ыйыыллар, алаадьы буһаран сыт таһаараллар. Өгүрүө кэлэр. Дөлүһүөн сибэккилэнэр, сардаана тыллар. Бу күн чуумпу - үчүгэй үүнүүлээх дьыл.
4 күнүнэн: 12.06.2025 Российскай федерация суверенитетын кунэ. Ыраас, куйаас, чэмэлкэй күннэр.
6 күнүнэн: 14.06.2025 Самаан сайын са5аланар кэмэ. Ыhыахтар са5аланаллар. Ардаатаҕына - үчүгэй үүнүү.
8 күнүнэн: 16.06.2025 Бугун хотуттан, ар5ааттан тыалырда5ына - сайына ардахтаах.
13 күнүнэн: 21.06.2025 ЫhЫАХ КYНЭ. Этиҥ этэрэ элбиир. Сыыс оту, кучуну үргүүллэр, бүгүйэх тиллэр, ынах үүтэ тардар. Көтөр сымыыт баттыыр үгэнэ. Эһэ, саарба иссэр, тайах төрүүр, андаатар ууһуур, ороһу биэ төрүүр. Туос хам сыста илигинэ хастанар. Ыһыах буолар. Этиҥнээх ардах түстэҕинэ - от хомуура мөлтөх.
|
|
Билгэ
Күн Куйаарыма кинигэтинэн билгэ.
Билгэлэнэргэ биир киhи күҥҥэ биирдэ эрэ баттыахтаах, ол кэннэ утуу субуу хаста да баттаабытын аахсыллыбат, маҥнайгы эрэ сырыын дьиҥнээх буолар.
БИЛГЭЛЭН <--баттаа
|
|
Ыһыах алгыһа
Өньүөс үрэх саҕа Дьэллэм-дэлэгэй аартыктаах, Сиэл сиэгилэлээх Арыы намылҕа аартыктах, Чэл быраан үктэллээх, Иитимньилээх Эйиэхсит хатыҥ
Икки атахтааҕы ииппит, Үс саханы үөскэппит, Дьаардах тиэргэни тэниппит, Холоҥсолоох хотону субуйбут, Тоҕус тоҕойдоох Тойон сэлэни тогулуппут, Тартык уол оҕону дьалыктаабыт, Чалчырга кулуну чаалыппыт, Иҥигэр хааннаах Кыыс оҕону эрчийбит, Өрүөлээх торбоһу үөскэппит1 Дьыл ыпсыытыгар, Ый саҥҥатыгар, Күн үтүөтүгэр Аҕыс иилээх саҕалаах Аан ийэ дойдуга Уйгу быйаҥҥын Уһун кэһииҥҥин Үс Саха үрүҥ тыынын Өрүһүйэриҥ туһугар Үрүҥ тунаҕынан, Ибиир ыһыаҕынан ыһабын! (Уоту аһатыы, үс төгүл) Ойуулаах от-мас иччитэ1 Ол туспутугар туттубут – Туҥуй үрдэ, Кырдьаҕас сөҥөлө, Улааммыт уйгута, Кэрэбит кэһиитэ, Аҕыс иилээх саҕалаах Аан Ийэ Дойду Аҕыс өйэ тоххору Араҕас быйаҥҥынан Айгыста тур диэн, Ол туһугар туттубут. (Уоту аһатыы,үс тҕгүл) Тоҕус үйэ тоххоруттан Тоҕуоруйан олорбут Түүлээх көй холумтан! Ол туспатыгар туттубут Тоҕус курдуулаах, Тоҕус тулааһыннаах, Тоҕус үйэ тоххоруттан Туругуран олорбут Туруорбах балаҕаммыт Туспатыгар, Көҥөннөөх кулуҥҥун Үчүгэйдик көлчүт, Өрүөлээх торбоскун Үчүгэйдик үөскэт, Кыламаннааххын симнэримэ, Өттүктээҕи сытыарыма! (Уоту үс төгүл) И.А.Худяков "Краткое описание Верхоянского округа", 1868 с. (Ленинград, 1969. – С. 267-26  суруллубут монографиятыгар ыһыахха сыһыаннаах маннык алгыс суруллубут.
Суруйда Baaska. 2017-05-08 11:37:56 +09.
|
|
^ Үөһээ
|
|
|