Арҕаһыттан тэһииннээх
Айыы киһитэ буолуум,
Көсүттэн көнтөстөөх
Күн киһитэ буолуум.
Эппэр-сииммэр мустубут эрчимим,
Өйбөр-саннабар мустубут өркөн өйүм
Үргүҥ тыыммын кытта
Үллэр өрөһөбөр түмүлүннүн.
Мүлчүрүйбэт-мөлтөөбөт көхтөнүүм,
Умуллубат-уостубат уохтаныым.
Тэбэр сүрэҕим тэбиэһирдин,
Оонньуур хааным одуоруйдун,
Кэскил тэринэр тэбиҥнэниим,
Олох оҥостор мөккүөрдэ\ниим.
Дом!