ААН Айыыһыт аһаа-сиэ!
Кэнэҕэс даҕаны
Айыыһыт ааҥнаатын,
Иэйиэхсит эргийдин!
Дьоллоох оҕонон тускул
тутулуннун,
Аал уоту отуннун.
Алаһа дьиэни тэрийин!
Төрөтөр оҕону төлкөлөөтүн,
Иитэр сүөһүнү күрүөлээтин,
Саатын-саадаҕын сүктүн!
Баай хара тыа манньыйдын,
Эриэн хара тыа эҥэрдэстин!
Додон хара тыа дьоллоотун!
Үрдүгүнэн чыҥыа чаай көппөтүн!
Аттыгынан сүр күүдээх
сүгүрүйбэтин!
Татаар тыллаах таба эппэтин,
Уу харахтаах утары көрбөтүн!
Саалаахтан саллыма,
Охтоохтон охтума!
Өлбөт өрөгөйдөн,
Самныбат саргылан!
Атаах киһиэхэ кымньыыта буол!
Сатыы киһиэхэ тайаҕа буол!
Эдьээн Иэйиэхсит
Эйиэхэ эҥэрдэстин!
Уруй!
(Е.И.Васильев, 2004 с. 72 саастааҕа, Кини тылыттан Амма оройуонун Наахара нэһ. П.Т.Степанов суруйбут. ССНК архыыба,5 ф.,3 уоп., 659 дь.).