Иэйиэхсит киһини көрө-истэ, күрүөлүү-хаһаалыы сылдьар. Кинини маннык алгыыллар:

      Иэйиэхсит Хотун,

      Күлэн күлүмнээҥҥин,

      Эргийэн иэнигийэн,

      Хайыһан ханньасытан,

      Быарыҥ манньыйан,

      Киэҥҥэр хорҕотон,

      Кыараҕаскар саһыаран,

      Быттыккар-хонноххор суулаан,

      Көстүбэттэн-көлдьүнтэн көмүскээ,

      Абааһыттан-албынтан харыстаа,

      Алдьатаары гыммыты

      Аҕыс күннүк сиртэн

      Айыы атаратынан

      Кымньыылыы тур,

      Сиэри кэлбити

      Сэттэ күннүк сиртэн

      Илэйэ тур. 

Лазарь Андреевич Афанасьев - Тэрис  «Иччилэр» кинигэтиттэн. Дьокуускай. Бичик – 2013 с.