|
.
|
|
Билигин
сайтка 6 киһи
баар
|
Сотору:
1 күнүнэн: 10.06.2025 Дьахтар күүлэйдиир күнэ. Сайылыкка көһүү сүпсүлгэнэ бүтэн, нус - хас үүт тураан күннэр үүнэллэр. Уоскуйбучча дьахталлар оҕолорун батыһыннара сылдьан, кырдьаҕас хатыҥ маска салама ыйыыллар, алаадьы буһаран сыт таһаараллар. Өгүрүө кэлэр. Дөлүһүөн сибэккилэнэр, сардаана тыллар. Бу күн чуумпу - үчүгэй үүнүүлээх дьыл.
3 күнүнэн: 12.06.2025 Российскай федерация суверенитетын кунэ. Ыраас, куйаас, чэмэлкэй күннэр.
5 күнүнэн: 14.06.2025 Самаан сайын са5аланар кэмэ. Ыhыахтар са5аланаллар. Ардаатаҕына - үчүгэй үүнүү.
7 күнүнэн: 16.06.2025 Бугун хотуттан, ар5ааттан тыалырда5ына - сайына ардахтаах.
12 күнүнэн: 21.06.2025 ЫhЫАХ КYНЭ. Этиҥ этэрэ элбиир. Сыыс оту, кучуну үргүүллэр, бүгүйэх тиллэр, ынах үүтэ тардар. Көтөр сымыыт баттыыр үгэнэ. Эһэ, саарба иссэр, тайах төрүүр, андаатар ууһуур, ороһу биэ төрүүр. Туос хам сыста илигинэ хастанар. Ыһыах буолар. Этиҥнээх ардах түстэҕинэ - от хомуура мөлтөх.
13 күнүнэн: 22.06.2025 Саамай уһун күн.
|
|
Билгэ
Күн Куйаарыма кинигэтинэн билгэ.
Билгэлэнэргэ биир киhи күҥҥэ биирдэ эрэ баттыахтаах, ол кэннэ утуу субуу хаста да баттаабытын аахсыллыбат, маҥнайгы эрэ сырыын дьиҥнээх буолар.
БИЛГЭЛЭН <--баттаа
|
|
Ходоҕой алгыһа
Аал уот отуннум, Алтан сэргэ астым, Ыал тэрийдим, Ыччат көрдөстүм, Ыра тэрийдим,
Уол оҕоҕут Улууһу ууһаттын, Кыыс оҕоҕут Нэһилиэги тэниттин! Баччыры барҕардыҥ, Иринньэҕи тэмиэгирдиҥ, Мэник оҕонон бэлэхтэтиҥ, Иринньэх оҕонон илгэлэниҥ! Төрөтөр оҕоҕут Үс хос биһиктэннин, Иитэр сүөһүгүт Икки хос күрүөлэннин! Ааспыт эһигиттэн астыннын, Тоҥмут эһиэхэ итиннин, Быстыбыт салҕаннын, Өлөөрү гыммыт өрүһүннүн! Үс саханы өллөйдөөҥ, Түөрт саханы төрүттээҥ! Уруй, айхал, туску! Уруй, айхал, туску! Уруй, айхал, туску! 2014 Саха ыалын халандаара.
Суруйда Baaska. 2013-10-21 21:13:49 +10.
|
|
^ Үөһээ
|
|
|