Арыы, хайах алаастаах,
Үүт күөллээх,
Суорат тураҥнаах,
Самнах от дойдулаах,
Саһыл сүөһүлээх,
Ынахсыт хотун,
Бүтэй туйахтааҕы бүдүрүттэримэ,
Аһаҕас туйахтааҕы атарахсыттарыма диэн
Үҥэн-сүктэн көрдөһөн эрэбит,
Итэҕэһи ситэри курдук санаа.
Уруй-Айхал!
Уруй-Айхал!
Уруй-Айхал!
Субаттаргын субурут,
Ыанар ынаҕын
Үрүҥ тунаҕынан ибиирэ,
Ыһыаҕынан ыһа турдун!
Төрөөбүт ийэ дойдум
Аналлаах төрүт иччитэ
Аан Алахчын хотун эбэм,
Сыттаах оттоох сыһыыларын
Сымнаҕас отторунан
Субаттарбыт барахсаттары
Сыта-тура аһата,
Тоторон-ханнаран
Торолута тураарын!
Саха ыалын халандаара - 2013